| e-texts navigator |
| Wylie |
281b1 ནི།། ཐབས་ཀྱི་མཆོག་གྱུར་ལྷག་པའི་ཀུན་རྫོབ་ལ།། ཤེས་རབ་མཆོག་གྱུར་ལྷག་པའི་དོན་དམ་པས།། གཉིས་མེད་མཆོག་གྱུར་བདེན་པ་མཆོག་ཏུ་བལྟ།། དབྱེ་རུ་ཡོད་ཀྱང་མཉམ་ཡང་མཉམ་ཉིད་ལ།། དབྱེར
281b2 མེད་སྤྱོད་ཡུལ་བྲལ་བ་ཕྱོགས་འཛིན་བདུད།། ཨ་ཏི་མཉམ་པ་རིས་མེད་ཆོས་ཉིད་ལ།། གཉིས་ཀར་རང་ཤར་གཉིས་ཀར་རང་གྲོལ་བས།། མ་ཧཱ་མ་སྤངས་རྫོགས་པ་ཆེན་པོའི་རྒྱན།། ཨ་ནུ་མདུད་པ་ཅན་གྱི་ལྟ་བ
281b3 ནི།། ཕར་སྣང་ཤེས་པ་ཀུན་ཏུ་བཟང་མོའི་ཀློང་།། ཚུར་སྣང་ཡུལ་ནི་ཀུན་ཏུ་བཟང་པོའི་ཡུལ།། གཉིས་སུ་མེད་པ་བདེ་བ་ཆེན་པོར་བལྟ།། གཉིས་དང་སྡུག་བསྔལ་མཉམ་པའི་ཆོས་ཉིད་ལ།། གཉིས་མེད་བདེ་ཆེན་ཡིད
281b4 དཔྱོད་རེ་བའི་བདུད།། ཨ་ཏི་རྒྱ་ཆད་མེད་པའི་ཆོས་ཉིད་ལ།། གཉིས་ཀར་རང་ཤར་གཉིས་ཀར་རང་གྲོལ་བས།། ཨ་ནུ་མ་སྤངས་རྫོགས་པ་ཆེན་པོའི་རྒྱན།། རྫོགས་ཆེན་ཨ་ཏིའི་རྣལ་འབྱོར་བརྡལ་བ་ན།། འཇུག་སྒོ
281b5 གཞན་དུ་མི་བལྟ་ཐམས་ཅད་རང་གི་ཀློང་།། ཐམས་ཅད་རང་དུ་ཤེས་པས་གོལ་ས་ཤུགས་ཀྱིས་ཆོད།། གོལ་ས་ཆོད་པས་གཡང་ས་ག་ལ་ཡོད།། གཡང་ས་ཉིད་ཀྱང་རིག་པའི་ཀློང་ཆེན་དང་།། སེམས་ཀྱི་མདུད་པ་དེ་ནི
281b6 མ་གྲོལ་བར།། འཕགས་པའི་ལམ་ལོགས་འཚོལ་བ་ནི།། སྤྱང་མོ་དོང་ནས་འབྲོས་པ་བཞིན།། ཐར་དུ་རེ་སྟེ་ག་ལ་ཐར།། འདོད་ན་གང་འདོད་མཐའ་ཡིན་ཏེ།། ཡོད་པར་འདོད་ན་རྟག་པའི་མཐའ།། མེད་པར་འདོད
iiif viewer powered by OpenSeadragon
