| e-texts navigator |
| Wylie |
281a1 སྟེ།། ཀློང་ཆེན་ཡངས་པ་ང་ལ་རིགས་པ་ཡིན།། སངས་རྒྱས་སེམས་ཅན་དགོངས་སྤྱོད་དབྱེར་མེད་ལ།། འཁོར་འདས་གཉིས་སུ་འཛིན་པ་འཁྲུལ་པའི་བློ།། ཨ་ཏི་གཉིས་སུ་མེད་པར་སྟོན་པ་སྟེ།། གཞན
281a2 ལ་མི་རིགས་ཨ་ཏིའི་རྒྱན་དུ་མཛེས།། རྟོགས་དང་མ་རྟོགས་མེད་པར་གྲོལ་བ་དང་།། རྟོགས་ནས་གྲོལ་བར་འདོད་པ་སྙེམ་པའི་དགྲ།། ཨ་ཏི་མཉམ་ཉིད་གཅིག་ཏུ་བསྟན་པ་དེ།། གཞན་ལ་མི་རིགས་ཨ་ཏིའི་རྒྱན་དུ
281a3 མཛེས།། མཚོན་པ་ཐབས་ཀྱི་ཁྱད་པར་མ་སྤངས་པར།། བརྗོད་དུ་མེད་ལ་བདེན་འཛིན་བསླུ་བའི་ཚིག། ཨ་ཏི་དོན་དམ་དབྱེར་མེད་བསྟན་པ་དེ།། འོག་མ་རྣམས་ལ་མི་རིགས་ཨ་ཏིའི་རྒྱན།། རྫོགས་ཆེན་ཡེ་བརྡལ
281a4 གཏིང་མཐའ་མེད་པ་ལ།། ཐུག་པ་མེད་ཅེས་ཟེར་བ་མུན་པའི་ཀློང་།། ཨ་ཏི་མུ་མེད་ཚིག་ཆོད་བསྟན་པ་དེ།། གཞན་ལ་མི་རིགས་ཨ་ཏིའི་རྒྱན་དུ་མཛེས།། འབྱུང་ལ་འགྲོ་དྲུག་ཐེག་དགུ་ཐམས་ཅད་ཀྱང་།། དབྱིངས་ལ
281a5 དབྱིངས་ཤར་ཆོ་འཕྲུལ་ཡིན་པས་ན།། དེ་ཡི་རྒྱན་ཡིན་བདག་དང་མཐོང་མཛེས་བྲལ།། ཡོ་ག་མདུད་པ་ཅན་གྱི་ལྟ་བ་དེ།། དོན་དམ་སྣང་ལ་རང་བཞིན་མེད་པ་ལ།། ཀུན་རྫོབ་ཙམ་སྣང་ལྷ་དང་ལྷ་མོ་ཡང་།། མཚན་མ
281a6 ཡེ་མེད་མཉམ་པའི་ཆོས་ཉིད་ལ།། ལྷ་དང་ལྷ་མོར་འཛིན་པ་མཆོག་འཛིན་བདུད།། གཉིས་ཀར་རང་ཤར་གཉིས་ཀར་རང་གྲོལ་བས།། ཡོ་ག་མ་སྤངས་རྫོགས་པ་ཆེན་པོའི་རྒྱན།། མ་ཧཱ་མདུད་པ་ཅན་གྱི་ལྟ་བ
iiif viewer powered by OpenSeadragon
