| e-texts navigator |
| Wylie |
280b1 ལའི་ཀློང་ན་བདེ།། ཨ་ནུ་མ་སྤངས་རྫོགས་ཆེན་རྒྱན་དུ་མཛེས།། རྟོགས་དང་མ་རྟོགས་མེད་པར་གྲོལ་བ་དང་།། འདི་དང་ཕྱི་མ་མེད་པར་མཉམ་པ་དང་།། ཕུང་པོ་ལྷག་མ་མེད་པར་ཡལ་བ་དང་།། སྐུ་གདུང་རིང
280b2 བསྲེལ་མ་བསྒྲུབས་གྲུབ་པ་དང་།། མཉམ་ཉིད་ངང་ལ་རྒྱུན་ཆད་མེད་པ་དང་།། དུག་ལྔ་མ་སྤངས་དབྱིངས་ཀྱི་རྒྱན་ཉིད་དང་།། སྡུག་བསྔལ་བདེ་བ་ཆེན་པོར་ཤར་བ་དང་།། ཐེག་དམན་དགུ་པོ་ཨ་ཏིའི་སོ་ནམ
280b3 ཙམ།། ཟླ་བདུན་ཙམ་གྱིས་ཟད་པའི་སར་གནས་རྣམས།། ཐེག་དགུར་བརྒྱུད་ནས་གྲོལ་བར་འདོད་པ་དང་།། ཤིན་ཏུ་སྦྱང་དང་སྤང་དང་བསྒྱུར་འདོད་པ།། ག་ལ་རིགས་ཏེ་ཀློང་ཆེན་ང་ལ་བདེ།། ཅི་བདེ་ཐམས་ཅད
280b4 བདེ་ཆེན་ཆོས་སྐུའི་ཀློང་།། ཀློང་ཆེན་འདི་ལ་མ་བརྡལ་གང་ཡང་མེད།། ཆོས་ཉིད་རང་བཞིན་རྡོ་རྗེ་སྙིང་པོའི་སྐུ།། བག་ཆགས་ལས་ལ་སྙིང་པོའི་རྩལ་རྫོགས་པས།། སྐྱེ་ཤིའི་བར་དོ་མེད་པར་རང་ཡལ་ཏེ།། རིག་པ
280b5 གཅིག་པོ་ཀུན་དང་དབྱེར་མེད་ཅིང་།། རྒྱུན་ཆད་མེད་པར་སྤྲུལ་པ་འབྱུང་བ་དང་།། ཐོགས་པ་མེད་པར་ཀུན་ལ་འཇུག་པ་དང་།། བྱར་མེད་རླུང་ཞོན་རྣལ་འབྱོར་སྤྱོད་ཡུལ་ནི།། དམན་པའི་ཐེག་པ་ཀུན་ལ་མི་འཚམ
280b6 སྟེ།། ཨ་ཏི་ཀློང་ཆེན་ང་ལ་རིགས་པ་ཡིན།། སྐྱེ་མེད་སྐྱེ་བའི་ཆོ་འཕྲུལ་རང་ཤར་ལ།། རྒྱུ་འབྲས་མཚན་མར་འཛིན་པ་འཁྲུལ་པའི་བློ།། ཨ་ཏི་རྒྱུ་རྐྱེན་མེད་པར་བསྟན་པ་ནི།། འོག་མ་རྣམས་ལ་མི་རིགས་སྦུབས་ཆེ
iiif viewer powered by OpenSeadragon
