| e-texts navigator |
| Wylie |
280a1 བྲན་ཐམས་ཅད་འོག་ཏུ་ནོན་པ་ལྟར།། ལྷ་སྒོམ་ཐེག་པ་ཀུན་གྱི་རྩེར་གྱུར་པས།། ཨ་ནུ་ཕྱི་ནང་ཀུན་བཟང་མཁའ་རོལ་རྣམས།། ཨ་ཏི་ཆེན་པོ་ཀུན་བཟང་ཡངས་པའི་ཀློང་།། རང་སྐད་སྟོན་པས་ཐེག
280a2 དམན་ཀློང་དུ་ཐིམ།། དཔེར་ན་རྩལ་གསུམ་ལྡན་པའི་སེང་གེ་ཡིས།། ཝ་སོགས་གཅན་གཟན་ཟིལ་གྱིས་གནོན་པ་ལྟར།། ཨ་ཏི་རང་རྩལ་རིག་པ་ཡུལ་མེད་ཤར།། མཚན་མ་རང་གྲོལ་ཀློང་ཡངས་ཕྱམ་བརྡལ
280a3 བས།། ཨ་ནུ་ལ་སོགས་ཐེག་པ་ཕྱོགས་ཞེན་ཅན།། ཡུལ་དང་ཡུལ་ཅན་འདོད་ཀུན་ཀློང་དུ་གྲོལ།། དེ་བཞིན་རིག་པ་ཏི་ལ་མཐའ་བྲལ་ཀློང་།། བྱ་བྲལ་ལྷུན་གྲུབ་རྫོགས་ཆེན་ཤར་གྲོལ་ལ།། གྲོལ་དང་མ་གྲོལ་གཉིས
280a4 མེད་རྒྱན་དུ་ཆེ།། དཔེར་ན་འདབ་ཆགས་རྒྱལ་པོ་ཁྱུང་ཆེན་དེ།། མངལ་ན་གནས་ཀྱང་ཀླུ་རྣམས་ཟིལ་གྱིས་གནོན།། སྒོ་ངའི་ནང་དུ་འདབ་གཤོག་ཚད་དུ་ཕྱིན།། སྒོང་རྒྱ་རལ་ནས་ཕྱི་རྒྱ་རླབས་ཀྱིས་ཆོད།། འདབ
280a5 ཆགས་གཞན་ལ་ཅི་སྟེ་ག་ལ་རིགས། ཁྱུང་ཆེན་རང་ལ་རིགས་ཏེ་མཁའ་ལ་བདེ།། ཨ་ཏི་ཆེན་པོ་ཀློང་ཆེན་བརྡལ་ཁྱབ་པ།། རང་སྐད་སྟོན་ཀྱང་ཐེག་དགུ་ཟིལ་གྱིས་གནོན།། ཀུན་བཟང་ཀློང་དུ་ས་ལམ་སྦྲང་བགྲོད
280a6 གྲོལ།། འཁོར་བའི་ཀློང་ན་ལུས་རྒྱ་མ་བྲལ་ཀྱང་།། གོལ་ས་གཡང་ཆོད་ཀ་དག་ཀློང་ན་ཡིན།། ཐེག་དམན་གཞན་ལ་མ་སྤངས་རྒྱན་མི་མཛེས།། ཅི་ཕྱིར་སྤང་ལེན་མདུད་པས་བསྡམས་པའི་ཕྱིར།། ཨ་ཏི་ཀློང་ཆེན་ཏི
iiif viewer powered by OpenSeadragon
