| e-texts navigator |
| Wylie |
278b1 འབྱམས།། རང་སེམས་དྲི་མེད་རྣམ་དག་ས་ལམ་བཅད།། སྣང་སྟོང་གྲག་སྟོང་དྲན་སྟོང་སོ་མའི་ཀློང་།། གསུང་གི་ལྷ་རྣས་མ་མ་བསྒྲུབས་ཡེ་ནས་རྫོགས།། མ་ཧཱ་མ་སྤངས་རྫོགས་པ་ཆེན་པོའི་རྒྱན།། ཆོས་སྐུ་སེམས་སུ
278b2 ཡང་དག་གནས་ལུགས་ཏེ།། རང་བཞིན་སྤྲོས་བྲལ་རྣལ་འབྱོར་སྐུ་གསུམ་རྫོགས།། མ་བཀག་རང་བྱུང་མ་འདྲེས་རང་བཞིན་གྲོལ།། ཐུགས་རྗེ་ལྷ་རྣམས་མ་བསྒྲུབས་ཡེ་ནས་རྫོགས།། མ་ཧཱ་མ་སྤངས་རྫོགས་པ་ཆེན
278b3 པོའི་རྒྱན།། མ་རིག་རྣམ་རྟོག་ཉོན་མོངས་དུག་མཚོའི་ནང་།། རང་བྱུང་རིག་པའི་རྩི་བཅུད་ཐིག་ལེས་གཞོམ།། མ་སྤངས་མི་གནས་འདོད་ཡོན་རྣམ་དག་བརྡལ།། བདུད་རྩིའི་ལྷ་རྣམས་མ་བསྒྲུབས་ཡེ་ནས་རྫོགས།། མ
278b4 ཧཱ་མ་སྤངས་རྫོགས་པ་ཆེན་པོའི་རྒྱན།། ང་བདག་ཕྱོགས་ཆ་གཟུང་འཛིན་ལིངྒ་ལ།། རང་རིག་ཡེ་ཤེས་ཕུར་པ་ཟང་ཐལ་བཏབ།། རྟོག་པ་ཐལ་བྱུང་གཅེར་བུ་ཅོག་བཞག་སྤངས།། ཕུར་པའི་ལྷ་རྣམས་མ་བསྒྲུབས་ཡེ
278b5 ནས་རྫོགས།། མ་ཧཱ་མ་སྤངས་རྫོགས་པ་ཆེན་པོའི་རྒྱན།། མ་གཅིག་ཀུན་གཞི་ཀུན་ཏུ་བཟང་མོའི་དབྱིངས།། སྙིང་པོ་རིག་པའི་ཡེ་ཤེས་ཇི་ལྟ་ཇི་སྙེད་མཁྱེན།། མ་ནོར་མ་བཅོས་ཀུན་ཁྱབ་ཡེ་ཤེས་ཀློང་།། མ་མོའི་ལྷ
278b6 རྣམས་མ་བསྒྲུབས་ཡེ་ནས་རྫོགས།། མ་ཧཱ་མ་སྤངས་རྫོགས་པ་ཆེན་པོའི་རྒྱན།། ཐབས་ཤེས་ཀུན་ལྡན་ཡེ་སྟོང་བདག་ཉིད་རིག། མི་སྒོམ་མི་ཡེངས་རིག་པ་དབྱིངས་ན་འཕྱོ།། བརྗོད་མེད་ལུག་རྒྱུད་གཡོ་མེད་རང་གྲོལ
iiif viewer powered by OpenSeadragon
