| e-texts navigator |
| Wylie |
277b1 འབྲས་བུ་ཕྱོགས་མེད་ཀློང་།། ཡུལ་ལྗོངས་ལྟ་བུ་མ་འདྲེས་གཅིག་ཏུ་གསལ།། དཔེར་ན་འཛམ་གླིང་བྱེ་བ་ཕྲག་བརྒྱ་ན།། འདོད་ཡོན་རྣམ་སྤྲུལ་བསམ་མི་ཁྱབ་པ་ཉིད།། ཇི་ཙམ་ཆེ་ཡང་གླིང་ལས་གཡོས་པ་མེད།། མ
277b2 གཡོས་སླར་ཡང་འཛམ་གླིང་རྒྱན་དུ་ཆེ།། ཐིག་ལེ་ཉག་གཅིག་ཨ་ཏི་ཆེན་པོ་ལ།། ཐེག་དམན་མ་སྤངས་ཡོ་གའི་སྤྱོད་འབྲས་རྣམས།། གསེར་དངུལ་འཕྲ་མན་བསྲས་པའི་རྫས་ལྟ་བུ།། གཅིག་ལས་མ་འདྲེས་ཡོངས་སུ
277b3 རྫོགས་པའི་རྒྱན།། ཀུན་ཁྱབ་ཆེན་པོ་ཨ་ཏི་ཀློང་ཆེན་རྫོགས།། བཤིགས་པས་མི་ཤིགས་ཕྱོགས་མེད་རྡོ་རྗེའི་མཁར།། རིག་སྟོང་ངང་ནས་གང་ལྟར་བྱས་ཀྱང་བདེ།། ཞེས་གསུངས་ནས། རང་བྱུང་རང་ཤར་གཏིང
277b4 མཐའ་མུ་མེད་ཀྱི་ངང་ལ་བཞུགས་སོ།། ཐེག་པ་ཀུན་གྱི་ཡང་རྩེ་ཀློང་ཆེན་རབ་འབྱམས་ཀྱི་རྒྱུད་ལས། ཡོ་ག་མ་སྤངས་རྫོགས་པའི་ལེའུ་སྟེ་རྩ་གསུམ་པའོ།། ལོངས་སྐུའི་བསྟན་པ་གསུམ་པའོ།། །། ས་མ་ཡ། རྒྱ
277b5 རྒྱུརྒྱ། ཨ་ཎ། དགགས་པ་ནམས། སེམས་དཔའ་རྡོ་རྗེས་ཡང་གསོལ་པ།། ཀྱེཿ།། ཡོངས་རྫོགས་ལྷག་མེད་ཀུན་བཟང་རྗེ།། ཆོས་སྒྲའི་བསྟན་པ་ཆེན་པོའོ།། མ་ཧཱ་གྲུབ་མཐའ་རྫོགས་ཚུལ་ཏེ།། སྟོན་པའི་ཐུགས་ཀྱི
277b6 ཀློསློང་ནས་ཁྲོལ།། ཞེས་ཞུས་སྟོན་པས་བཀའ་སྩལ་པ།། འདུས་པའི་འཁོར་རྣམས་ཀུན་ཉོན་ཅིག། མ་ཧཱའི་ཐེག་པ་འདི་ལྟར་རོ།། ངོ་བོ་ངེས་ཚིག་དབྱེ་བ་དང་།། ལྷ་སྒོམ་སྤྱོད་དང་འབྲས་བུའོ།། ངོ་བོ་སྐྱེད་པའི་གཞི་ཡིན།
iiif viewer powered by OpenSeadragon
