| e-texts navigator |
| Wylie |
277a1 མངོན་སངས་རྒྱས།། མ་བྱོན་སླད་ཀྱི་སངས་རྒྱས་ཀྱང་།། ཀློང་ཆེན་པ་ལས་མངོན་སངས་རྒྱས།། ད་ལྟའི་རྒྱལ་བ་གྲངས་མང་ཀྱང་།། ཀློང་ཆེན་ང་ཡི་སྦུབས་ན་བརྡལ།། ང་ནི་རྒྱལ་བ་ཀུན་གྱི་མེས།།
277a2 ནི་ཐེག་པ་ཀུན་གྱི་དུར།། འཁོར་འདས་ཀུན་གྱི་ཡབ་ཆེན་པོ།། མྱ་ངན་འདས་པའི་ལམ་པོ་ཆེ།། འཁོར་བའི་ཆུ་བོ་སྒྲོལ་བའི་གྲུ།། ཉོན་མོངས་རྒྱ་མཚོ་སྐེམ་པའི་མེ།། ཇི་ཙམ་ཐེག་པའི་རྣམ་གྲངས་ཀྱང་།། ང་ཡི་ཀློང
277a3 ལས་ཡོངས་མ་འདས།། ཇི་ཙམ་ས་ལམ་གནས་ནས་ཀྱང་།། ང་ཡི་ཀློང་ལས་གར་མ་ཕྱིན།། ཐེག་དགུ་མ་འདྲེས་སོ་སོར་བཀྲ།། ཡོ་ག་མ་སྤངས་ཨ་ཏིའི་རྒྱན།། ཨ་ཏི་མ་བསྒྲུབས་ལྷུན་འབྱམས་བདེ།། བགྲོད་མེད་རྩོལ
277a4 བྲལ་རིག་པའི་ཀློང་།། བྱར་མེད་ལྷུན་རྫོགས་སྐྱེ་མེད་སྒོ།། ཨ་ཏི་མཉམ་པའི་ཆོས་ཉིད་དུ།། འཁོར་འདས་མ་སྤངས་ལྷུན་གྲུབ་པས།། སྤྱིར་ཕྱིབ་ཆེན་པོ་དབྱེར་མེད་པས།། སྤྱིར་བྱིབ་པ་འདི་གཞན་ན་མེད།། རང་སྣང
277a5 དབྱེར་མེད་བརྡལ་བ་ཆེ།། གཅིག་ལ་ཀུན་རྫོགས་ཨ་ཏི་ལ།། ནམ་མཁའ་ལྟ་བུའི་རིག་པ་ཤར།། གང་ཡང་གཉིས་མེད་ཀློང་ན་བདེ།། ཨ་ཧོ།། ཡེ་གྲོལ་ཆེན་པོ་ལྟ་བ་ཕྱོགས་མེད་ཀློང་།། གསེར་གླིང་ལྟ་བུ་དབྱེ་བསལ
277a6 མེད་པའི་ངང་།། ཡེ་ཀློང་ཆེན་པོ་སྒོམ་པ་ཕྱོགས་མེད་ཀློང་།། བྱེད་རླུང་ལྟ་བུར་ཐམས་ཅད་དབྱིངས་སུ་ཐིམས།། གང་ཤར་ཆེན་པོ་སྤྱོད་པ་ཕྱོགས་མེད་ཀློང་།། ཆུ་ལོང་ལྟ་བུ་དལ་བའི་ཀློང་ན་འབབས།། ཡེ་གྲུབ་ཆེན་པོ
iiif viewer powered by OpenSeadragon
