| e-texts navigator |
| Wylie |
276b1 གསོལ།། སྟོན་པས་ལན་དུ་བཀའ་སྤྲུལ་པ།། ཨེ་མ་སེམས་དཔའ་རྡོ་རྗེ་ཉོན།། ཡོ་གའི་གྲུབ་མཐའ་འདི་ལྟ་སྟེ།། ལྷ་སྒོམ་སྤྱོད་པ་འབྲས་བུའོ།། ལྟ་བ་འོད་གསལ་སྟོང་ཉིད་ལས།། རྡོ་རྗེ་དབྱིངས་སུ་སངས་རྒྱས
276b2 འདོད།། སྒོམ་པ་མངོན་བྱང་ལྔ་རུ་བསྐྱེད།། ཡེ་ཤེས་སྤྱན་དྲངས་མཆོད་བསྟོད་བཟླས།། སྤུན་གྲོགས་ཚུལ་དུ་བསྒོམ་པའོ།། སྤྱོད་པ་ཡོན་ཏན་ལྔ་ལོངས་སྤྱོད།། འབྲས་བུ་མི་ཚེ་ལྔ་གསུམ་གྱིས།། འཐུག་པོ་བཀོད་པ་ཐོབ
276b3 པར་འདོད།། ཡོ་ག་ཉིད་ཀྱི་གྲུབ་མཐའ་འོ།། ཨཱཎ་རྐཿ། ཨེ་མ་ཧོ་སེམས་དཔའ་རྡོ་རྗེ་རྩལ།། མ་རྟོགས་ཐེག་པ་འོག་མ་བས།། གཞན་དུ་རྟོག་ཅིང་རྩོལ་བས་བསླད།། ཡུལ་སེམས་བདེན་གཉིས་དགག་སྒྲུབ་མཁན།། མི
276b4 མཐུན་སྤང་ཞིང་གཅིག་ཕྱིར་འབྲེང་།། ཡོ་ག་ཏིང་འཛིན་གསུམ་རྩོལ་ནས།། བླང་དོར་བྱས་ནས་འབྲས་བུ་རེ།། ཨ་ཏི་ཆེན་པོ་ཀློང་ཆེན་ང་།། ཐམས་ཅད་ཆོས་ཉིད་བརྡལ་བ་ལ།། དམ་བཅའ་སྤོང་ལེན་ལ་སོགས
276b5 ཀྱི།། ཏིང་འཛིན་འཕྲོ་འདུ་ག་ལ་ཡོད།། དམ་ཡང་བདལ་བ་ཆེན་པོར་བཅའ།། གཏན་ཚིགས་ཆོས་ཉིད་ཕྱོགས་མེད་ལ།། རིག་པ་མཁའ་ཡན་ལྷུན་གྲུབ་པས།། འདི་ལ་སྤང་རྒྱུ་ཅི་ཡང་མེད།། བླང་བར་བྱ་བ་ཡོད་མ
276b6 ཡིན།། སྤང་བླང་མེད་པས་ཡོ་ག་རྫོགས།། གང་མ་སྤངས་པའི་ཀུན་གྲོལ་དབྱིངས།། ས་ལམ་བགྲོད་པའི་ཐབས་ཆེན་པོ།། དབྱིངས་སུ་སྦྱོར་བའི་རྫུ་འཕྲུལ་ཅན།། སྔོན་གྱི་རྒྱལ་བ་གྲངས་མེད་ཀྱང་།། ཀློང་ཆེན་ང་ལས
iiif viewer powered by OpenSeadragon
