| e-texts navigator |
| Wylie |
276a1 འགྱུར།། ཨེ་མ། ཨ་ཏི་ཀློང་ཆེན་རྡོ་རྗེའི་མཁར་རྫོང་དང་།། བྱར་མེད་ནམ་མཁའི་དབྱིངས་ལས་ཅི་ཡང་བྱུང་།། མ་བྱས་མ་བཙལ་ཅིར་ཡང་བྱར་མེད་པས།། ལྟ་བ་ཉམས་མི་ང་ཞིང་ཟེ་མི་ཚོམ།། སྒོམ་པ
276a2 འདུས་མེད་འདུས་མ་བྱས་པའི་ཀློང་།། སྤྱོད་པ་རང་བྱུང་བདེ་ཡན་མ་བཀག་ང་།། བློ་བཅོས་རྣམ་རྟོག་མཐོ་དམན་དགྲར་མི་བལྟ།། ཉམས་མྱོང་རིག་པ་གང་ཤར་གང་དགར་མཐོང་།། རྒྱུ་རྐྱེན་མེད་པའི་དུག་ལྔ་མདོག
276a3 མ་བསྒྱུར།། བརྟུལ་ཞུགས་དགེ་སྡིག་སྤང་ལེན་ང་ལ་མེད།། འབྲས་བུ་ཡེ་གྲུབ་ཅིར་སྣང་འབྲས་བུར་ཤར།། དམ་ཚིག་གཉེན་པོ་རྒྱུ་རྐྱེན་གཞན་མི་བརྟེན།། ཕྲིན་ལས་ཅི་བྱས་བརྟུལ་ཞུགས་ཀློང་དུ་རྡོལ།། ས་ལམ་ཆོས
276a4 དབྱིངས་གྲོལ་བ་ཆོས་ཀྱི་དབྱིངས།། ཨུ་པ་ཡེ་རྫོགས་མ་སྤངས་བློ་བདེར་གནས།། བྱར་མེད་གཅིག་ལ་ལྷུན་རྫོགས་བདེ་འབྱམས་དང་།། འགྲོ་དྲུག་ཐེག་དགུ་ང་ཡི་ཀློང་ལས་ཤར།། དུས་གསུམ་སངས་རྒྱས་ཨ་ཏི
276a5 དབྱིངས་ཀྱི་རྒྱན།། ཅེས་གསུངས་སོ།། རྡོ་རྗེ་མཁར་རྫོང་གི་ནང་དུ་ལྷན་ནེར་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། ཨུ་པ་མ་སྤངས་རྫོགས་པའི་ལེའུ་སྟེ་རྩ་གཉིས
276a6 པའོ།། །། ས་མ་ཡ། རྒྱ་རྒྱ་རྒྱ། ཨོཾ་མནས་ན། ཞིག་གཞིནཐུན་ཧཱ་རྒྱ་རྒྱ་མྱཿསེམས་དཔའ་རྡོ་རྗེས་ཡང་གསོལ་པ།། རྒྱུ་ལ་མ་ལྟོས་ཀུན་ཏུ་བཟང་།། རྐྱེན་དང་ཡེ་བྲལ་ཀློང་བརྡལ་དཔལ།། ཡོ་གའི་གྲུབ་མཐའ་བཤད་དུ
iiif viewer powered by OpenSeadragon
