| e-texts navigator |
| Wylie |
275a1 ལ།། དུག་ལྔ་འཆར་བ་མི་སྲིད་སྲིད་པའི་བབས།། དེ་ལ་སྤོང་འགེག་བྱེད་པའི་ཨུ་པ་དེ།། རང་བྱུང་རང་གྲོལ་ཡེ་ཤེས་སྦུབས་སུ་གྲོལ།། ལྷུན་གྲུབ་ཕྱོགས་མེད་མཐའ་དང་བྲལ་བ་ལ།། ཕྱོགས་ལྷུང་རྒྱ
275a2 ཆད་མི་སྲིད་སྲིད་པའི་བབས།། ཕྱོགས་ལྷའི་མཐའ་ལ་ཞེན་པའི་ཨུ་པ་དེ།། ཕྱོགས་མེད་གྲོལ་ལོ་ལྷུན་གྲུབ་ཀློང་དུ་གྲོལ།། མངོན་མཚན་མེད་པའི་རིག་པ་འགག་མེད་ལ།། སྣང་བ་འཆར་བར་མི་སྲིད་སྲིད་པའི
275a3 བབས།། སྣང་བ་རྟག་ཆད་ཐེ་ཚོམ་ཨུ་པ་དེ།། རང་སར་གྲོལ་ལོ་ངེས་མེད་ཀློང་དུ་གྲོལ།། གཟུགས་སོགས་སྣང་བ་སྣང་ཐོག་རང་སར་གྲོལ།། དབྱེ་བསལ་མེད་དོ་ལྷུན་གྲུབ་ཀློང་དུ་གྲོལ།། འདུ་འབྲལ་མེད་པ་ཐིག
275a4 ལེའི་ཀློང་དུ་གྲོལ།། ཅིར་ཡང་འཆར་རོ་ངེས་མེད་ཀློང་དུ་གྲོལ།། སྒྲ་རུ་གྲག་གོ་ཐོས་པ་རང་སར་གྲོལ།། དྲན་རྟོག་ཐམས་ཅད་དེ་རུ་རང་སར་གྲོལ།། སྣང་གྲག་མཐོང་ཐོས་སྒོ་ལྔ་རང་སར་གྲོལ།། རང་ཞལ་རང་གིས
275a5 མཐོང་བས་ཡུལ་གཞན་མེད།། དག་པ་གསུམ་དང་ལྷ་དྲུག་གཙང་སྦྲ་སོགས།། གཉིས་སུ་མེད་དོ་ཡུལ་སེམས་མཉམ་པར་གྲོལ།། བཅུ་གཅིག་རྡོ་རྗེ་འཆང་སོགས་ས་ཐེག་ཀུན།། མ་བསྒྲུབས་ཚིག་ཆོད་ཨ་ཏི་ང་ཡི
275a6 རྒྱན།། མཉམ་ཉིད་གཅིག་ལ་ཅིར་ཡང་འབྱུང་བའི་དབྱིངས།། ཡོན་ཏན་ཐམས་ཅད་སྐྱེད་པར་བྱེད་པའི་གཞི།། ཐམས་ཅད་བྱ་བྱེད་མེད་པར་གྲོལ་བའི་ཀློང་།། ཨུ་པ་ཡ་ཞེས་མདུད་ཅན་ལྟ་བ་དེ།། སྤྱོད་པ་ཀྲི་ཡ་ལྟར
iiif viewer powered by OpenSeadragon
