| e-texts navigator |
| Wylie |
274b1 ཡིན།། ཨ་ཧོ་ཉོན་ཅིག་སེམས་དཔའ་རྡོ་རྗེ་རྩལ།། རྫོགས་ཆེན་ཡེ་བརྡལ་གཏིང་མཐལ་མེད་པ་ལ།། ས་ལམ་ཚིག་ཆོད་ལྟ་སྤྱོད་བརྩོན་འགྲུས་རྣམས།། མ་སྤངས་མ་བསྒྲུབས་ཡེ་གྲོལ་དང་དུ་རྫོགས།། ཨུ་པ་ཡ་ནི་ཐེག
274b2 པ་སྤོང་སྒྲུབ་བསྡམས།། ཨ་ཏི་རེ་དོགས་སྤང་ཐོབ་རང་སར་གྲོལ།། གཞི་ཤར་རང་གྲོལ་དབྱིངས་ཀྱི་ངང་ན་བདེ།། ཨུ་པ་མ་སྤངས་རྫོགས་པ་ཆེན་པོའི་རྒྱན།། ཨ་ཏི་མ་བསྒྲུབས་དུག་ལྔ་རྒྱན་དུ་མཛེས།། ཡངས་སོ་ཆེའོ
274b3 རིག་པ་མཁའ་མཉམ་ཐུགས།། སྤང་ཐོབ་མེད་དོ་ཐིག་ལེ་ཉག་གཅིག་ཀློང་།། རང་སར་གྲོལ་ལོ་རྟོགས་དང་མ་རྟོགས་མེད།། གཉིས་སུ་མེད་པར་གྲོལ་བའི་ཆོས་ཉིད་དེ།། ཐེག་འོག་རྣམས་ལ་མི་སྲིད་སྲིད་པའི
274b4 ཆོས།། རྣ་ཕྲུག་བྲག་ལ་འཛེགས་པའི་བདེ་བླག་དེ།། སྲོག་ཆགས་གཞན་ལ་མི་སྲིད་ཁོ་ལ་སྲིད།། རིག་པ་བྱར་མེད་ཀློང་དུ་གྲོལ་བ་དེ།། ཐེག་དམན་རྩོལ་སྒྲུབ་ཅན་ལ་མི་སྲིད་དེ།། རྣལ་འབྱོར་མཁའ་མཉམ་བྱ་བྲལ
274b5 ཀློང་ན་བདེ།། ཡེ་སངས་རྒྱས་པའི་རིག་པ་ཡུལ་མེད་དེ།། འཁོར་བར་འཁྱམས་པར་མི་སྲིད་ཡེ་ཀློང་བརྡལ།། ཡུལ་ཅན་རྫས་བློ་འདོད་པའི་ཨུ་པ་དེ།། མཁའ་ལ་རང་གྲོལ་རྟེན་མེད་ཀློང་དུ་རྫོགས།། ཐིག་ལེ་ཉག
274b6 གཅིག་གྲ་ཟུར་མེད་པ་ལ།། གཉིས་སུ་སྣང་བ་མི་སྲིད་སྲིད་པའི་ཐབས་ཀྱང་བབས།། གཅིག་དང་ཐ་དད་འཛིན་པ་འཁྲུལ་པའི་སེམས།། གཅིག་ཏུ་གྲོལ་ལོ་བྱ་བྲལ་ཀློང་དུ་གྲོལ།། རང་བྱུང་ཡེ་ཤེས་རྒྱུ་རྐྱེན་མེད་པ
iiif viewer powered by OpenSeadragon
