| e-texts navigator |
| Wylie |
274a1 ཏིང་འཛིན།། དག་པ་གསུམ་གྱི་མདུད་པས་བསྡམས།། རྗེ་ཁོལ་གོང་འོག་ཚུལ་དུ་བལྟ།། ཨ་ཏི་བཟང་ངན་གཉིས་མི་དགག། མི་གནས་མི་ཞེན་རྒྱར་མ་ཆད།། མཉམ་ཉིད་ཕྱམ་བརྡལ་ཡིན་པ
274a2 ལ།། བཟང་ངན་ལྟ་བ་ཕྱོགས་འཛིན་བདུད།། ཨ་ཏི་བཟང་ངན་བྲལ་བ་ལ།། གཉིས་ཀ་རང་ཤར་རང་གྲོལ་བས།། ཨ་ཏི་མ་བསྒྲུབས་ཀྲི་ཡ་མ་སྤངས་པར།། དགག་སྒྲུབ་བྲལ་བ་རྫོགས་ཆེན་རྒྱན་དུ་མཛེས།། ཞེས
274a3 གསུངས་ནས། ཕྱོགས་འཛིན་ཞེན་མེད་རྗེན་པར་ལྷན་ནེར་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། ཀྲི་ཡ་མ་སྤངས་རྫོགས་པའི་ལེའུ་སྟེ་རྩ་གཅིག་པའོ།། །། ས་མ་ཡ། རྒྱ་རྒྱ
274a4 སྲ་མམ། རྩེ་གཤིན་གྱི་ཀྱི་ནས། སེམས་དཔའ་རྡོ་རྗེས་ཡང་གསོལ་པ།། སྲ་པའི་གྲུབ་མཐའ་དབྱེ་བ་རྣམས།། མ་ཉིར་རྫོགས་ཚུལ་གསུང་དུ་གསོལ།། སྟོན་པས་ལན་དུ་བཀའ་སྩལ་པ།། འདུས་པའི་འཁོར་ཅན་པ
274a5 ཡིས་བཤད།། ཨུ་པ་ཡ་ལ་བཞི་ཡིན་ཏེ།། ལྟ་བ་ཏིང་འཛིན་སྤྱོད་པ་དང་།། འབྲས་བུ་དག་དང་བཞི་ཉིད་དོ།། ལྟ་བ་ཡོ་ག་དག་དང་མཐུན།། དོན་དམ་སྐྱེ་འགག་མེད་པར་འདོད།། ཏིང་འཛིན་ཡོ་ག་དག་དང
274a6 མཐུན།། མངོན་པར་བྱང་ཆུབ་ལྔ་ཉིད་དོ།། སྤྱོད་པ་ཀྲི་ཡ་དག་དང་མཐུན།། བཟའ་དུས་ཁྲུས་གཙང་གཙོ་བོར་བྱེད།། འབྲས་བུ་མི་ཚེ་ལྔ་བདུན་ནས།། རིགས་ལྔ་རྡོ་རྗེ་འཆང་ས་ཐོབ།། ཨུ་པ་རེ་དོགས་ཐེག་པ
iiif viewer powered by OpenSeadragon
