| e-texts navigator |
| Wylie |
273a1 ཤར་སྐྱེས་པའི་ཐོག་ཏུ་གྲོལ།། སྟོང་པ་ཀུན་འབྱུང་སྟོང་པའི་རྒྱན།། ཟོལ་བྱུང་རིག་པ་རིག་པར་གྲོལ།། ཝལ་བྱུང་དྲན་རྟོག་རིག་པར་གྲོལ།། དཔེར་ན་སྦྲུལ་གྱི་མདུད་པ་བཞིན།། འཆིང་མཁན་གྲོལ
273a2 མཁན་ག་ལ་ཡོད།། རྔ་མའི་མདུད་པ་རང་གྲོལ་བཞིན།། ཀྲི་ཡ་མ་སྤངས་རང་གྲོལ་རྒྱན།། ཐམས་ཅད་ཀ་དག་ཀློང་དུ་གྲོལ།། སྟོང་དང་སྣང་བ་དབྱེར་མི་ཕྱེད།། མཁའ་ལ་འཇའ་ཚོན་ཐིམ་པ་ལྟར།། སྣང་རིག་སྟོང
273a3 གསལ་དབྱེར་མི་ཕྱེད།། ཁ་ཆར་མཚོ་ལ་ཐིམ་པ་འདྲ།། ཉན་ཐོས་ཨ་ཏི་དབྱེར་མི་ཕྱེད།། ཆུ་དང་འོ་མ་འདྲེས་པ་འདྲ།། རང་རྒྱལ་བྱང་སེམས་ཨ་ཏི་གསུམ།། མར་དང་མར་ནི་བསྣོལ་བ་ལྟར།། ངོ་བོ་རང་བཞིན་ཐུགས
273a4 རྗེ་དང་།། དུག་གསུམ་སྐུ་གསུམ་དབྱེར་མི་ཕྱེད། ཁྲག་དང་ཆུ་གཉིས་བསྲེས་པ་ལྟར།། མ་རིག་ཡེ་ཤེས་དབྱེར་མི་ཕྱེད།། འཁྲུལ་དང་མ་འཁྲུལ་ག་ལ་ཡོད།། རྟོགས་དང་མ་རྟོགས་ག་ལ་ཡོད།། སངས་རྒྱས་སེམས་ཅན
273a5 ག་ལ་ཡོད།། ཐེ་ཚོམ་ཅན་གྱི་གྲུབ་མཐའ་ཀུན།། ཨ་ཏི་ཆོས་ཟད་ཀ་དག་ཀློང་།། སངས་རྒྱས་གཞན་ནས་མི་རེ་རྫོགས།། འཁྲུལ་རྨོངས་ཐེག་ཆུང་ཚིག་གིས་བསྡམས།། ཨ་ཏི་དོན་གྱི་ཐོག་ཏུ་གྲོལ།། ཐེག་པའི་ཕྱོགས
273a6 ཞེན་བློས་བཏགས་ཡིན།། མ་སྤངས་མ་འདྲེས་ངང་ན་བདེ།། བློས་བཏགས་ཐ་སྙད་རོལ་པར་མཛེས།། མཚན་མའི་སྤྱོད་པ་གཟིགས་མོར་ཆེ།། ཀྲི་ཡ་མ་སྤངས་རྫོགས་ཆེན་རྒྱན།། བློ་ཡི་ཡུལ་ལ་ངེས་པ་མེད།། བློ་ཡུལ
iiif viewer powered by OpenSeadragon
