| e-texts navigator |
| Wylie |
272b1 ལྟར་བསྒོམས་ཀྱང་ཀློང་གི་རྩལ།། ངོ་བོ་རང་བཞིན་ཐུགས་རྗེའི་རྩལ།། ཀྲི་ཡ་གདོས་འཛིན་བརྡལ་བའི་རྩལ།། མ་རིག་ཡེ་ཤེས་རིག་པའི་རྩལ།། འཆར་སྒོ་འཁྲུལ་རྟོག་ང་ཡི་རྩལ།། སྣང་རིག་ཡིད་སེམས་ང་ཡི
272b2 རྩལ།། འཁྲུལ་ལུགས་ཐམས་ཅད་ཀློང་གི་རྩལ།། གཟུགས་དང་ཡན་ལག་ཀློང་གི་རྩལ།། གྲུབ་མཐའ་ཀུན་དང་ལྟ་སྒོམ་སྤྱོད།། འགྱུ་ཚད་རིག་ཚད་རྟགས་ཚད་དང་།། དགྲ་གཉེན་ཕྱོགས་རིས་ཁ་དོག་དང་།། ཐེག་པ
272b3 དགུ་དང་བཅུ་གཅིག་སོགས།། ཀློང་ཡངས་ངང་ནས་རྩལ་དུ་ཤར།། དེ་ལ་ཞེན་ན་མདུད་པས་བཅིངས།། མ་བཅོས་རང་གྲོལ་ཨ་ཏི་ཡང་།། མཁའ་ཀློང་རྣམ་དག་ཆོས་དབྱིངས་སུ།། གཞི་རླུང་རིག་པའི་ངོ
272b4 བོར་ཐིམ།། རྩལ་རྣམས་ཟེར་གྱི་ཀློང་དུ་ཐིམ།། སྟོང་གསལ་འོད་འབར་ཀློང་དུ་ཐིམ།། ཞེན་པ་མ་སྤངས་ཀློང་དུ་ཐིམ།། རིག་པ་གང་སྣང་ཤར་གྲོལ་དང་།། རང་བཞིན་ངོ་བོའི་ཀློང་ཡངས་ཡིན།། མ་རིག་འཆར་སྒོ
272b5 འཁྲུལ་སྣང་ཚོགས།། གང་ཤར་ཐོག་ཏུ་རང་བཞིན་གྲོལ།། བཟང་ངན་ཐེག་པའི་སྤང་ལེན་ཀུན།། ཀློང་གི་རང་གྲོལ་ཡངས་པའི་དབྱིངས།། སྒྱིད་སྡུག་གསོན་གཤིན་ཡིན་མིན་དང་།། རེ་དང་དོགས་དང་རྟག་ཆད
272b6 དང་།། རིག་ཚད་དྲན་ཚད་འགྱུ་ཚད་དང་།། བསམ་ཚད་སྣང་ཚད་ཤར་ཚད་དང་།། དུག་ལྔ་དུག་གསུམ་བག་ཆགས་སམ། རྣམ་རྟོག་ཀུན་བརྟགས་གྲུབ་མཐའ་དང་།། མཚོན་བྱེད་བྱ་བཙལ་དགག་སྒྲུབ་རྣམས།། གང
iiif viewer powered by OpenSeadragon
