| e-texts navigator |
| Wylie |
271a1 སེམས་འཇུག་སྒོ་གཉིས་ཀྱི་སྡོམ།། ཨ་ཏི་མི་འཇུག་ཀློང་དུ་གྲོལ།། མ་སྤངས་རྒྱ་འབྱམས་དང་ན་བདེ།། བྱང་སེམས་ཐེག་པ་ཨ་ཏིའི་རྒྱན།། རྒྱུ་འབྲས་དྲང་ལུང་ཐམས་ཅད་རྫོགས།། མ་སྐྱེས་དག་པས
271a2 སྒྲིབ་དང་བྲལ།། བགྲོད་པའི་ལམ་བྲལ་གོལ་ས་མེད།། ཡེ་ནས་ལྷུན་གྲུབ་སྦྲང་བགྲོད་བྲལ།། སྡོམ་པ་བརྒྱད་ཅུ་རྩ་ལྔ་རྫོགས།། བྱང་སེམས་བསྲུང་བྱས་དམ་པར་སྡོམ།། ཨ་ཏི་ཡེ་བསྲུངས་ཀློང་དུ་གྲོལ།། ལྟ་སྤྱོད་མ
271a3 སྤངས་སྦུབས་ན་བདེ།། མདོ་སྡེའི་ཐེག་པ་ཨ་ཏིའི་རྒྱན།། བྱང་ཆུབ་སེམས་དཔའི་ཐེག་པ་དེ།། དོན་དམ་ཀུན་རྫོབ་གཏན་ཚིགས་ཀྱི།། རང་སྣང་འཆར་སྒོ་ཆོས་ཉིད་ལ།། སྦྱང་བགྲོད་རྩོལ་བས་གོལ་ཞིང
271a4 བསྒྲིབས།། གཅིག་ལ་གཉིས་བཟུང་གཏན་མི་ཕེབས།། ཨ་ཏི་ཡེ་ཀློང་ཁྱབ་གདལ་ང་།། སྟོང་ཉིད་སྒོམ་དེ་མ་སྤངས་རྫོགས།། དམིགས་གཏད་སྒོམ་དེས་བསྐལ་པར་བསྡམས།། ཡེ་ཀློང་ཅེར་མཐོང་ངང་དུ་གྲོལ།། མ
271a5 ནོར་དབྱེར་མེད་ངང་ན་བདེ།། སྟོང་སྒོམ་མ་སྤངས་རྫོགས་ཆེན་རྒྱན།། ལྟ་བ་བལྟ་རུ་མེད་པ་ལ།། དོན་དམ་ཀུན་རྫོབ་མ་སྤངས་རྒྱན།། སྒོམ་པ་བསྒོམ་དུ་མེད་པ་ལ།། ཕྱོགས་འཛིན་སྒོམ་དེ་མ་སྤངས་རྒྱན།། སྤྱོད
271a6 པ་སྤྱད་དུ་མེད་པ་ལ།། བརྒྱད་ཅུ་རྩ་ལྔ་མ་སྤངས་རྒྱན།། འབྲས་བུ་ཐོབ་ཏུ་མེད་པ་ལ།། ཆོས་མཆོག་ལ་སོགས་ཨ་ཏིའི་རྒྱན།། དམ་ཚིག་བསྲུང་དུ་མེད་པ་ལ།། དོན་དམ་ཀུན་རྫོབ་མ་སྤངས་རྒྱན།། ཕྲིན་ལས་བཙལ་དུ
iiif viewer powered by OpenSeadragon
