| e-texts navigator |
| Wylie |
270b1 ཡོད་པར་འཛིན་ལ་ཕྱོགས་ཆ་འདོད།། ཨ་ཏི་ཡོད་མེད་མཉམ་པ་ལ།། འཇུག་ཟློག་རང་ཤར་རང་གྲོལ་བས།། རང་རྒྱལ་མ་སྤངས་ཨ་ཏི་མ་བསྒྲུབས་པས།། སྤང་བླང་མེད་པ་རྫོགས་ཆེན་རྒྱན་དུའོ།། ཞེས
270b2 གསུངས་ནས། བློའི་བཞག་ཐབས་ཇི་བཞིན་པའི་ངང་དུ་ལྷན་ནེར་བཞུགས་སོ།། ས་མ་ཡ། རྒྱ་རྒྱ་རྒྱ། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། རང་རྒྱལ་མ་སྤངས་རྫོགས་པའི་ལེའུ་སྟེ་བཅུ
270b3 དགུ་པའོ།། །། རྒྱ་མ་ས་གཞས། ཐོན་ཏོ། ཡང་གཅིག་སེམས་དཔའ་རྡོ་རྗེ་ཡིས།། སྟོན་པ་ཉིད་ལ་ཡང་གསོལ་པ།། ཀྱེ་ཀུན་གྱི་སྤྱི་གཟུགས་རྒྱལ་བའི་གཙོ།། ཡེ་ནས་སངས་རྒྱས་བདག་ཉིད་དཔལ།།
270b4 བྱང་ཆུབ་སེམས་དཔའི་གྲུབ་མཐའ་རྣམས།། རིག་མདངས་འཁོར་ལ་བཀའ་སྩོལ་ཅིག། ཅེས་པ་སྟོན་པས་གསན་དགོངས་ཏེ།། ཨ་ཧོ་སེམས་དཔའ་རྡོ་རྗེ་ཉོན།། བྱང་ཆུབ་སེམས་དཔའི་ཐེག་པ་ནི།། འཇུག་སྒོ
270b5 དོན་དམ་ཀུན་རྫོབ་གཉིས།། སྡོམ་པ་བརྒྱད་ཅུ་རྩ་ལྔ་སྲུང་།། སྟོང་པ་ཉིད་ཀྱི་ཡེ་ཤེས་བསྒོམ།། ལམ་ནི་ས་ལམ་སྤྱད་པར་འདོད།། འབྲས་བུ་དྲོད་སྐྱེ་བཟོད་པ་དང་།། རྩེ་མོ་འཇིག་རྟེན་ཆོས་མཆོག་གོ། ས་བཅུ
270b6 རིམ་གྱིས་ཐོབ་འདོད་སྟེ།། དེ་ནི་བྱང་ཆུབ་སེམས་ཐེག་གོ།། ཨ་ཧོ་སེམས་དཔའ་རྡོ་རྗེ་ཉོན།། བསྐལ་པ་གསུམ་དང་གྲངས་མེད་དུ།། རྩོལ་སྒྲུབ་སྦྱངས་པའི་ཐེག་པ་དེ།། མི་རྩོལ་ལྷུན་གྲུབ་ཨ་ཏིར་རྫོགས།། བྱང
iiif viewer powered by OpenSeadragon
