| e-texts navigator |
| Wylie |
270a1 དབྱེར་མེད་པས།། ཐམས་ཅད་རང་གྲོལ་ཨ་ཏི་དང་།། བླང་དོར་མེད་པས་གཏན་ལ་ཕེབས།། ལོ་ཀ་ཆོས་བརྒྱད་དབང་མི་གཏོང་།། ཉན་རང་ཨ་ཏི་ང་ཡི་རྒྱན།། སྡོམ་པ་དམ་ཚིག་བསྲུང
270a2 མཚམས་བྲལ།། རྟེན་འབྲེལ་བཅུ་གཉིས་ང་ཡི་རྒྱན།། མི་འགྱུར་འགྱུར་མེད་ཆགས་མེད་ལམ།། ཡེ་ནས་མ་བསླད་རབ་འབྱམས་ཀློང་།། དུས་གསུམ་ཇི་ལྟར་ལྷག་གེ་ལྷག། ཇི་ལྟར་མེ་ཡི་རང་བཞིན་ལ།། ཚ་བ
270a3 མ་བསྒྲུབས་རང་སར་རྫོགས།། གྲང་བ་མ་སྤངས་རང་སར་གྲོལ།། བརྡལ་ཁྱབ་ང་ལ་ཚིག་ཆོད་དེ།། ས་བཅུ་མ་བསྒྲུབས་ཡེ་ནས་ནོན།། ཉན་ཐོས་མ་སྤངས་རང་སར་གྲོལ།། འདས་པའི་ཀློང་ལ་རང་བཞིན་མེད།།
270a4 མ་འོངས་ཀློང་ཆེན་འོད་དུ་གསལ།། ད་ལྟའི་ཀློང་ཆེན་གཞི་མ་གྲུབ།། བརྗོད་མཐའ་མུ་ཡིས་སྤྲོས་དང་བྲལ།། རང་རྒྱལ་གང་སྤྱད་ང་ཡི་རྒྱན།། སངས་རྒྱས་སེམས་ཅན་གཉིས་མེད་མཉམ།། མཉམ་པས་གོང་འོག
270a5 རིམ་པ་མེད།། ཡེ་རྫོགས་ཐིག་ལེ་ཆེན་པོ་ཡིན།། སློབ་དཔོན་མེད་པར་རང་རྩལ་གནས།། རང་རྒྱལ་བདུད་ཆེན་ལྟ་བ་ནི།། ལྟ་བ་རང་གིས་རང་ཉིད་བཅིངས།། རང་བཞིན་མེད་པའི་ཡུལ་སྟོང་ལ།། ཤེས་པ་གཏད
270a6 ནས་འཛིན་ཆར་འདོད།། བཅུ་གཉིས་དོན་ལ་འཇུག་ཟློག་བྱེད།། ཀློང་ཆེན་ཁྱབ་གདལ་ཨ་ཏི་ང་།། ཡེ་ནས་རྟེན་འབྲེལ་བཅུ་གཉིས་ཏེ།། མ་འགགས་མ་ཞེན་མི་གནས་པས།། མཐའ་མ་སྤང་བར་རང་གྲོལ་ལོ།།
iiif viewer powered by OpenSeadragon
