| e-texts navigator |
| Wylie |
26b1 ཀང་རགྣའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། བཤན་པ་རགྣ་སྒོམ་ཁོག་རྩ་བའི་ལེའུ་བརྒྱད་པའོ།། །། དེ་ནས་དཔའ་བོ་གཤེད་ཆེན་གྱིས།། ལྔ་བརྒྱ་ཐ་མ་དུས་ཀྱི་སྙིགས་མའི་ཚེ།། སངས་རྒྱས
26b2 དཀོན་མཆོག་གཉེན་གྱི་བསྟན་པ་ལ།། འགའ་བྱེད་ལོག་སྲེད་ཆམ་ལ་དབབ་པའི་ཕྱིར།། ཤན་པ་གཙོ་འཁོར་བསྐུལ་བའི་ལས་བཤད་པ།། ཧཱུཾ།། འཇམ་དཔལ་ལྷ་མཆོག་ཡ་མནྟ་ཀ་ནི།། གྲུ་གསུམ་མཐིང་ནག་ཨེ་ཡི་ཕོ
26b3 བྲང་དུ།། རྟ་རོ་གཅལ་བཀྲམ་མི་རོའི་ཁྲི་སྟེང་ན།། རི་རབ་བརྗིད་པའི་སྐུ་མཆོག་རབ་བཞེངས་པ།། འཕགས་པ་ཡ་མཱན་གཤེད་པོ་འབར་བའི་སྐུ།། སྟང་ཟིལ་ཆུ་ནག་རླབས་ལྟར་གནག་ལ་འཚེར།། རལ་པ་མཐིང་ནག
26b4 དབུས་སུ་ཐོར་ཚུགས་བཅིངས།། ཐོད་སྐམ་སྦྲུལ་གདུག་ཉི་ཟླའི་ཐོད་ཀྱིས་བརྒྱན།། མི་བཟད་སྤྱན་དགུ་ཤིན་ཏུ་འབར་བ་ནི།། གཡོན་གསུམ་ཐུགས་རྗེས་ཐུར་དུ་གཟིགས་པ་ཡིས།། ངན་སོང་སྡུག་བསྔལ་ཐར་ལམ
26b5 གནས་སུ་འདྲེན།། གཡས་གསུམ་སྡང་མིག་དམར་པོ་བཟློག་པ་ཡིས།། ཁྲོ་གཏུམ་བཙན་དྲག་ཕྱོགས་མེད་ཟིལ་གྱིས་གནོན།། དབུས་གསུམ་མཐའ་བྲལ་མི་གཟིགས་གཟིགས་ཚུལ་གྱིས།། རྟག་ཚང་མཐའ་འདས་ཆོས
26b6 སྐུ་ས་ལ་བ།། སྤྱན་སྤྲིན་དམའ་སེར་འབྲས་བུ་མཐིང་ནག་འདྲིལ།། སྨིན་མཚམས་གློག་འགྱུ་སྟོང་ཁམས་འོད་གསལ་བྱེད།། རྫི་མ་ལྕགས་ཀྱུ་ཤིན་ཏུ་འཁྲུགས་ཤིང་འབར།། གསན་པ་མ་འགགས་སྙན་འབྲུག་སྒྲ་འབྱིན
iiif viewer powered by OpenSeadragon
