| e-texts navigator |
| Wylie |
268b1 ལ།། འོག་ཐོག་མ་གྲུབ་རང་སར་རྫོགས།། ཉན་ཐོས་བདེན་བཞི་བྱེ་བྲག་པ།། མ་སྤངས་རང་གྲོལ་ཨ་ཏིའི་རྒྱན།། དཔེར་ན་ཉི་མའི་དཀྱིལ་འཁོར་ལ།། འོད་ཟེར་མ་བསྒྲུབས་རང་སར་རྫོགས།། མུན་པ་མ་སྤངས་རང
268b2 སར་གྲོལ།། ཨ་ཏི་ཀློང་ཆེན་བདེ་ཡན་ལ།། ཉན་ཐོས་མ་བསྒྲུབས་རང་སར་རྫོགས།། སྤོང་འགེགས་མ་སྤངས་རང་སར་གྲོལ།། སྤྱོད་ལམ་བཅོས་སྡོམ་མེད་པའི་ཀློང་།། སྣང་སྲིད་ཆོས་སྐུར་བརྡལ་བའི་ཀློང་།། དམ
268b3 ཚིག་བསྲུང་མཚམས་བྲལ་བའི་ཀློང་།། འབྲས་བུ་སྤང་ཐོབ་རེ་མེད་ཀློང་།། དཔེར་ན་ནམ་མཁའི་ཁམས་ཉིད་དུ།། སྣོད་བཅུད་མ་བསྒྲུབས་རང་སར་རྫོགས།། མཐའ་བརྒྱད་མ་སྤངས་རང་སར་གྲོལ།། ཨ་ཏི་བརྡལ
268b4 ཁྱབ་ཆེན་པོ་ལ།། ཉན་ཐོས་མ་བསྒྲུབས་རང་བཞིན་ཀློང་།། ས་བཅུ་མ་བསྒྲུབས་ཡེ་ནས་ནོན།། ཕྱིར་མི་འོང་བའི་ཡེ་ཐོབ་ཡིན།། སྤྲུལ་པའི་རྫུ་འཕྲུལ་ཡེ་ཀློང་ཡིན།། རྣམ་རྟོག་སྐྱོན་ཡོན་ག་ལ་ལྟ།། མི་སྤང་ཁོ་རང་གཞི
268b5 མེད་ཡིན།། མ་འགགས་ཆུ་རླབས་མཁའ་སྤྲིན་བཞིན།། ལན་ཚ་ཆབ་རོམ་བཏབ་པ་བཞིན།། ང་ལ་རྫོགས་ཤིང་པ་ལ་ཐིམ།། ཀློང་ཆེན་ང་ཡིས་འགག་པ་མེད།། ཉམས་ལེན་མ་འདྲེས་ཟད་དཀར་གསལ།། གང་བྱས
268b6 ཡངས་པར་གྲོལ་བ་ཡིན།། ཇི་ལྟར་ཆོས་སྐུའི་ཞིང་ཁམས་ཀྱང་།། སྐྱེ་མེད་ང་ཡི་ཀློང་ན་ཡངས།། རང་བཞིན་དག་པའི་ཞིང་ཁམས་ཀྱང་།། རང་གསལ་ང་ཡི་ཀློང་ན་ཡངས།། ཐུགས་རྗེ་སྦྲུལ
iiif viewer powered by OpenSeadragon
