| e-texts navigator |
| Wylie |
268a1 ཤར་བའི་རང་བྱུང་ཡེ་ཤེས་ཉིད།། རྒྱུ་དང་རྐྱེན་བྲལ་སྣང་འགག་མེད་པའི་སྐུ།། རྟོགས་པའི་ཀློང་ཆེན་རབ་འབྱམས་དོན་རྟོགས་ན།། སྐད་ཅིག་ཡེ་གྲོལ་ཀ་དག་ང་རང་ཉིད།། ཆོས་ཅན་དཀར་ནག་སྤྲོས
268a2 པའི་མཚན་མ་བྲལ།། མ་འདྲེས་ཡོངས་རྫོགས་ནམ་མཁའི་གཟའ་སྐར་བཞིན།། ཉོན་མོངས་མ་སྤངས་ང་ཡི་ཀློང་ན་འཕྱོ།། ཆོས་རྣམས་ཀུན་གྱི་རྩ་བ་ང་ལ་འདུས།། རྒྱུད་དྲུག་སེམས་ཅན་ང་ཡི་རང་བཞིན་ཡིན།། སྣང
268a3 བ་ཐམས་ཅད་མ་སྤངས་ང་ཡི་རྒྱན།། འདི་ལྟར་སྣང་བའི་ཆོས་རྣམས་ཐམས་ཅད་ལ།། ཀུན་ཀྱང་སྤོང་འགེག་བདེན་གཉིས་སྤོང་མི་བྱེད།། འཇུག་སྒོ་བདེན་བཞི་མ་སྤངས་ང་ཡི་རྒྱན།། ང་ཡིས་བསྟན་པའི་སྐུ་གསུམ
268a4 བསྟན་པ་ལ།། ལ་ལས་སྤོང་བའི་ཡུལ་དུ་མཐོང་།། ལ་ལས་དགག་དང་ལ་ལས་སྒྲུབ།། ལ་ལས་སྦྱང་དང་ལ་ལས་དགག། ལ་ལས་སྟོང་དང་ལ་ལས་ཆད།། ལ་ལས་བླང་དང་ལ་ལས་དོར།། མཐོང་སྣང་རེ་དང་ལམ
268a5 སྟེགས་རེ།། ལམ་སྟེགས་རེ་ལ་གྲུབ་མཐའ་རེ།། གྲུབ་མཐའ་རེ་ལ་ཕྱོགས་ཞེན་རེ།། ཨ་ཏི་ཆེན་པོའི་ཀློང་ཆེན་ང་།། རྩོལ་མེད་བྱ་བྲལ་སྡུག་བསྔལ་བྲལ།། སོ་མ་རང་གྲོལ་མ་བཅོས་པ།། མཐོང་བའི་རྩོལ་བཞེན
268a6 སྤངས་ཏེ།། ཐམས་ཅད་ང་ཡི་ལམ་སྟེགས་ཡིན།། དཔེར་ན་ཤིང་སྡོང་རྩེ་མོ་ལ།། རྩ་བ་མ་གྲུབ་རང་སར་རྫོགས།། གཅིག་ལ་མཐོང་ཡུལ་དགུ་རུ་ཞེ་ན།། ཀློང་ཆེན་ང་ལ་ཉན་ཐོས་རྫོགས།། དཔེར་ན་རྒྱལ་ཁང
iiif viewer powered by OpenSeadragon
