| e-texts navigator |
| Wylie |
267b1 གསུམ་དང་།། ཤེས་རབ་རྣམ་གསུམ་མཐར་ཕྱིན་པས།། ས་བཅུའི་འབྲས་བུ་ཐོབ་པར་འདོད།། བྱེ་བྲག་པ་ཡི་འདོད་གཞུང་ནི།། ཕུང་པོ་ཁམས་དང་སྐྱེ་མཆེད་ལ།། གཡག་རྔ་ནེའུ་སེང་ཚུལ་དུ་འདོད།། རང་གི་བློ་ཡིས
267b2 བལྟས་གྱུར་ན།། རྡུལ་དང་རྡུལ་ཕྲན་བཞིན་དུ་འདོད།། དེ་ཡི་རྣམ་པ་ཆ་གཞིགས་ནས།། སྟོང་པ་ཉིད་དུ་བློས་སྒོམ་མོ།། ཉན་ཐོས་སྤྱི་ཡི་སྒོམ་པ་ནི།། བདེན་པ་བཞི་ཉིད་བསྒོམས་པ་ཡིས།། འབྲས་བུ་བཞི་ཉིད་འདོད
267b3 པའོ།། འགོག་པ་ཀུན་འབྱུང་སྤང་བར་འདོད།། བྱམས་པའི་བསྟན་ལ་འབྲས་བུ་ཐོབ།། འགོག་པ་རྒྱུན་དུ་ཞུགས་པ་སྟེ།། རབ་ཏུ་དགའ་ནས་བདུན་ཚུན་ཐོབ།། ཀུན་འབྱུང་བསྒོམས་པའི་འབྲས་བུ་ནི།། ལན་ཅིག་ཕྱིར
267b4 མི་ལྡོག་པ་སྟེ།། ས་བརྒྱད་མན་ཆད་ཐོབ་པའོ།། ལམ་བསྒོམས་ས་བཅུ་མཐར་ཕྱིན་ཏེ།། ཉན་ཐོས་གཉིས་ལ་གཙོར་བྱེད་དོ།། ཨ་ཧོ་སེམས་དཔའ་རྡོ་རྗེ་རྩལ།། ཉན་ཐོས་སྤང་དགག་མདོ་སྡེ་ཀུན།། ཕྱོགས་ཆ་བདག
267b5 བཟུང་གཅིག་གིས་བཅིངས།། ཡེ་ཀློང་ང་ཡི་དོན་ལ་བསྒྲིབས།། ལྟ་དགོངས་མ་ལོག་ཀློང་འབྱམས་ང།། དེ་ཡིས་གཏན་ལ་བབས་པ་དཀའ།། ང་ཉིད་བརྟག་དཀའ་བརྗོད་མཐའ་བྲལ།། དཔེ་དང་གཏན་ཚིགས་ཙམ
267b6 གྱིས་བརྗོད་མི་ནུས།། བརྗོད་མེད་དོན་ཉིད་ཀློང་བརྡལ་དང་ན་བརྡལ།། ཉན་ཐོས་སྡེ་གཉིས་མ་སྤངས་ག་ལ་ཡིན།། ང་ཡི་རོལ་པ་ཙམ་དུ་འགག་པ་མེད།། ཕྱོགས་རིས་མེད་པའི་ལྟ་བ་ཡངས་པའི་ཀློང་།། མ་འགགས
iiif viewer powered by OpenSeadragon
