| e-texts navigator |
| Wylie |
267a1 གནས་བཞི་པོ་ཡང་།། ཆོས་དབྱིངས་ངང་དུ་སྐྱེ་ཞིང་ངང་དུ་གྲོལ།། སྣང་བ་རྒྱ་ཡན་རིག་པ་རང་དག་བདེ།། མཐའ་ཡི་མུ་མེད་གོ་ལས་ཤུགས་ལ་ཆོད།། གཡང་ས་མེད་པའི་རིག་པ་གཅེར་བུ་ལ།། རྩོལ་བ
267a2 མེད་པར་སྐུ་གསུམ་ལྷུན་རྫོགས་པས།། མཚན་ཉིད་མ་འགགས་སྣ་ཚོགས་ཅིར་ཡང་ཤར།། དབང་པོས་ཅེར་མཐོང་མངོན་སུམ་ཆོས་དབྱིངས་གྲོལ།། ཇི་ལྟར་ལྟ་བ་ལོག་ཡང་ང་ཉིད་རང་།། མུ་སྟེགས་རང་གྲོལ་རྫོགས
267a3 ཆེན་རྒྱན་དུ་ཆེ།། ཞེས་གསུངས་ཏེ། ཆོས་ཉིད་ཀྱི་ངང་ནས་ཐེག་དགུ་འུབ་ཆུབ་སྟེ་ལྷན་ནེར་བཞུགས་སོ།། མུ་སྟེགས་ལྷ་ལོག་མ་སྤངས་རྫོགས་པའི་ལེའུ་སྟེ་བཅུ་བདུན་པའོ།། །། ས་མ་ཡ། རྒྱ་རྒྱ་རྒྱ། སེམས
267a4 དཔའ་རྡོ་རྗེས་ཡང་ཞུས་པ།། ཀྱེ་ཧོ་ཕྱོགས་རིས་མེད་པའི་ཀུན་བཟང་ཀློང་།། སྣང་འགག་བྲལ་བའི་ཡངས་པ་ཅན།། ཉན་ཐོས་དབྱེ་བ་གྲུབ་མཐའ་ཡང་།། མ་སྤངས་རྫོགས་ཚུལ་གང་ལྟར་ལགས།། སྟོན་པས་ལན་དུ
267a5 བཀའ་སྩལ་པ།། ཨ་ཧོ་སེམས་དཔའ་རྡོ་རྗེས་རྩལ།། ཉན་ཐོས་ཐེག་པ་འདི་ལྟ་སྟེ།། ངོ་བོ་ངེས་ཚིག་དབྱེ་བསྡུའོ།། ངོ་བོ་ཆོས་ཀྱི་བདག་ལྟ་ཡིས།། རང་གི་ཞི་བདེ་སྒྲུབ་པའོ།། ངེས་ཚིག་རང་དོན་ཉན་ཅིང་ཐོས།། དབྱེ་ན
267a6 བཞི་སྟེ་ཉན་ཐོས་པ།། སྤྲུལ་པ་རང་རྒྱུད་ཞི་བགྲོད་དང་།། གྲུབ་མཐའ་དག་ལ་མཐར་འཛིན་ནོ།། བསྡུ་ན་མདོ་སྡེ་བྱེ་བྲག་གཉིས།། སྤྱི་ཡི་འཇུག་སྒོ་བདེན་པ་བཞི།། མདོ་སྡེ་པ་ཡི་ལྟ་བ་ནི། ཁ་ཐོན་ཐོས་བསམ་སྒོ
iiif viewer powered by OpenSeadragon
