| e-texts navigator |
| Wylie |
266a1 འདོད།། རྟག་པ་སེམས་ཉིད་ཐིག་ལེའི་ཚུལ།། དཀར་དྭངས་སྣུམ་འདྲིལ་སྙིང་ནང་ན།། ཡེ་ནས་མི་འགྱུར་ཡོད་པར་བལྟ།། འབྲས་བུ་དབང་ཕྱུག་འཁོར་དུ་སྐྱེ།། དེ་ལྟ་འདོད་གཞུང་སོ་སོར་ཡོད།། ཨེ་མ
266a2 སེམས་དཔའ་རྡོ་རྗེ་ཉོན།། གྲུབ་མཐའ་ཐམས་ཅད་གང་ཟག་བློ།། དངོས་པོའི་གཤིས་ལ་དེ་མ་ཉེ།། སྒྲིབ་པས་གོལ་བས་སྡུག་བཙིར་ཀྱང་།། ཤེས་རབ་མི་ལྡན་ཕུང་བར་ངེས།། མ་རིག་མ་རྟོགས་ལོག་ལམ་མོ།། ཕྱི
266a3 ནང་རྟག་ཆད་ཡིན་མིན་རྣམས།། མི་འགལ་དབྱིངས་ཀྱི་ངང་དུ་ལྷུང་།། རྩོལ་སྒྲུབ་འདས་པའི་བདག་ཉིད་གྲུབ།། དེར་ཞེན་རྟོག་པ་མི་མངའ་བས།། སེམས་ཉིད་བླང་དོར་དེར་འཛིན་མེད།། མུ་སྟེགས་ཆད་པ་རྫོགས
266a4 ཆེན་རྒྱན།། མ་སྤངས་ཀློང་གྲོལ་ངང་ན་བདེ།། མི་སྐྱེ་འགག་མེད་སྣ་ཚོགས་འཆར།། སུམ་བརྒྱ་དྲུག་ཅུ་རྫོགས་ཆེན་རྒྱན།། ཀློང་ཆེན་མ་སྤངས་རང་གྲོལ་དང་།། བདག་གཞན་གཉིས་སྣང་འཁོར་བ་དང་།། རིགས་དྲུག
266a5 མུ་སྟེགས་རྟག་ཆད་རྣམས།། རྒྱུ་གཅིག་ང་ཡི་ཀློང་ན་འཕྱོ།། ཀུན་གྱི་བདག་ཉིད་རྫོགས་ཆེན་རྒྱན།། མ་སྤངས་ཡེ་གྲོལ་ཕྱམ་བརྡལ་དང་།། ཀློང་ན་གསལ་བས་གདགས་གཞི་མེད།། གཞི་ལ་མི་གནས་རང་ཤེས
266a6 བདེ།། མུ་སྟེགས་བདུད་ཆེན་ལྟ་བ་དེ།། གང་ཟག་ཉིད་ཀྱིས་ལོག་པར་བརྟག། དངོས་པོ་གཤིས་ཀྱི་གནས་ལུགས་དང་།། རྟག་ཆད་གཉིས་སུ་ང་མི་གནས།། མཐའ་བཞི་མུ་བཞི་རང་གྲོལ་དང་།། མ་སྤངས་ཡེ་གྲོལ
iiif viewer powered by OpenSeadragon
