| e-texts navigator |
| Wylie |
265a1 མཐོང་ཞིང་རང་མ་ཤེས།། སྦྲང་མ་ཚང་འཚོལ་ལྟ་བུར་འཁྲུལ།། རྩོལ་བ་བྱ་བྱེད་འཆིང་བ་ཡིས།། གླང་ཆེན་འདམ་བྱིང་ལྟ་བུར་འཁྲུལ།། འབད་པ་རེ་བའི་སྟོབས་ཀྱིས་འཁྲུལ།། ནད་ལ་སྨན་ལོག་སོང
265a2 བཞིན་འཁྲུལ།། དེ་མ་ཡིན་ལ་དེར་བཟུང་བས།། སྨིག་སྒྱུ་ཆུ་རུ་མཐོང་བཞིན་འཁྲུལ།། མེད་པར་ཡོད་པའི་བློ་སྐྱེས་པ།། གྲོགས་པོ་ཐག་རིང་ཤི་བཞིན་འཁྲུལ།། རྩོལ་བསྒྲུབས་ལོག་པར་སོང་བ་ནི།། བུ་ཆུང་སྤུ་གྲི་རྩེ
265a3 བཞིན་འཁྲུལ།། རང་བྱུང་ཡེ་ཤེས་མཚན་ཉིད་མེད།། བཟང་ངན་ཕྱོགས་ཆར་བལྟ་ན་འཁྲུལ།། བདག་མ་ཡིན་ལ་བདག་ཏུ་འཛིན།། སེམས་འཛིན་ལྟ་སྒོམ་ཡོད་ན་འཁྲུལ།། འོད་ལ་གཞལ་ཡས་ཁང་མཐོང་བ།། ཕྱེ་མ
265a4 ལྟེ་བ་དང་མར་མེ་བཞིན།། དངོས་གྲུབ་རེ་སྟོབས་བསླུས་པ་ཡིས།། སྤྲེའུ་ཁྲོན་པར་ཆུད་པ་བཞིན།། རང་བྱུང་ཡེ་ཤེས་བདག་མེད་ལ།། གང་ཟག་དབང་པོས་བདག་ཏུ་བཟུང་།། སྣང་ངོར་གང་འཐད་དེ་བསྟན་པས།། དེ
265a5 ཀུན་ང་ཡི་ཐུགས་རྗེར་འཁྲུལ།། ཀློང་ཆེན་དོན་གྱིས་གོ་བར་གྱིས།། རྒྱས་པོ་ཆེན་པོ་བསམ་ཡས་ཀྱང་།། དགུ་རུ་ངེས་པར་དབྱེ་བའོ།། ཞེས་གསུངས་སོ།། ཐེག་པ་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས།། རྣམ
265a6 གྲངས་བསྟན་པའི་ལེའུ་སྟེ་བཅུ་དྲུག་པའོ།། །། ས་མ་ཡ། རྒྱ་རྒྱ་རྒྱ། དེ་ནས་སེམས་དཔའ་རྡོ་རྗེ་ཡིས།། སྟོན་པ་ཉིད་ལ་ཡང་ཞུས་པ།། ཨ་ཧོ། ཀུན་རྫོགས་ཆེན་པོ་ཀུན་ཏུ་བཟང་། ཁྱབ་གདལ་ཆེན་པོ་འུབ་ཆུབ
iiif viewer powered by OpenSeadragon
