| e-texts navigator |
| Wylie |
264b1 པའི་ས་རུ་སེམས་བཞི་བསྐྱེད།། སྤྱོད་པའི་ས་རུ་སེམས་སྤྱོད་བཅུ།། སྒྲུབ་པའི་ས་རུ་སྒྲུབ་འདོད་པ།། གཞན་སྣང་ཙམ་དུ་བསྟན་པ་ལས།། རང་སྣང་དག་པ་ངས་མ་བསྟན།། དགེ་བཅུ་སྤྱོད་ཅིང་མི་དགེ་སྤོང་།། རྫོགས
264b2 ཆེན་རྒྱུ་འབྲས་ལས་འཇོག་ཙམ།། དོན་ལ་སྤྱོད་སྤོང་བྱས་མ་བྱས། ཁྱད་པར་ཉི་རྡུལ་ཙམ་ཡང་མེད།། དགེ་ཚུལ་ཉིས་བརྒྱ་ལྔ་བཅུ་དང་།། དགེ་སློང་ལྔ་བརྒྱ་ལྔ་བཅུ་སོགས།། བསྲུང་དུས་གྲངས་དང་དོན་མི་ཤེས།། སྡོམ
264b3 པ་མི་ཐུབ་བསྲུང་ཐབས་མེད།། རྟོག་པའི་སྟེང་དུ་ཡང་རྟོགས་བསྣན།། འཁྲུལ་པའི་སྟེང་དུ་ཡང་འཁྲུལ་བསྣན།། ཞགས་ཐག་སྟེང་དུ་འབྲེང་ཞགས་བསྡམ།། རྫོགས་ཆེན་བསྲུང་བྱ་ཀུན་ལས་འདས།། མ་ནོར་ཀློང་ཆེན
264b4 བསྲུང་བྱ་བྲལ།། ཚོགས་ཀྱི་ལམ་དང་སྦྱོར་ལམ་དང་།། མཐོང་སྒོམ་ལམ་དང་མཐར་ཕྱིན་ལམ།། ངེས་པར་རྫོགས་ཆེན་ལམ་ལས་གྲོལ།། བསོད་ནམས་འབྲས་བུ་ཐོབ་པ་མེད།། དྲང་བའི་ལྷ་ལ་བརྟེན་པ་ཙམ།། ལམ
264b5 ལ་ཐེག་བརྒྱད་མི་འབོར་ཏེ།། རང་ལ་ཆོས་སྐུ་ཚོལ་མི་བྱེད།། རྒྱུ་འབྲས་དང་ནས་རྩོལ་སྒྲུབ་མེད།། འདི་ལྟར་སྟོན་པ་ང་ཉིད་ཀྱིས།། འདུལ་ཞིང་བསྟན་པ་རྣམ་པ་གསུམ།། ཚིག་དང་བརྡ་ཡི་ཆོས་རྣམས་ཀུན།། དབྱེར
264b6 མེད་མ་རིག་དག་ཏུ་འཁྲུལ།། ང་ལ་སོ་སོར་བཅོས་པས་འཁྲུལ།། ང་ཡི་རང་སེམས་ཐེ་ཚོམ་འཁྲུལ།། ཆོས་ཉིད་རེ་བ་ཆེ་བྱེད་དང་།། འཁོར་བར་དོགས་པ་ཆེ་བ་དང་།། སངས་རྒྱས་གཞན་ནས་རེ་བ་འཁྲུལ།། དགུ་རུ
iiif viewer powered by OpenSeadragon
