| e-texts navigator |
| Wylie |
264a1 སྟེགས་པའང་ཁྱད་མི་གསོད།། སངས་རྒྱས་ཀུན་ཀྱང་ཕུད་མི་བཀུར།། རང་བཞིན་སྟོན་པ་གསུམ་གྱི་ཆོས།། རྒྱུད་ལུང་མཐོ་དམན་སྔགས་མཚན་ཉིད།། མི་འགལ་སྡོམ་ཚིག་སྲོག་ཕྱིར་བསྲུང་།། མ་ཞེན
264a2 མ་བཅིངས་མ་སྤངས་ཁྱེར།། ཆོས་ཉིད་ཆེན་པོའི་སྐྱོ་གྲོགས་ཡིན།། ཐེག་བརྒྱད་རང་རང་ཕྱོགས་ལ་ཞེ་ན།། ཡུན་རིང་བསྐལ་པ་བྱེ་བ་ཁྲིར།། ཀ་དག་ཆོས་ཉིད་ང་མི་མཐོང་།། སླར་ཡང་ལུས་ངག་ཡིད་གུད་ནས།། ངན
264a3 འགྲོར་ཉེན་ཡང་ཅུང་ཟད་ཆེ།། ཚོགས་ཐོབ་གནས་སྐབས་བདེ་བ་ཙམ། ཁ་ལྟ་ཅན་གྱི་ཚིག་སྐམ་རེས།། ཐེག་པ་བརྒྱད་ལ་སྐུར་བཏབ་པས། ཁྲི་ཕྲག་བསྐལ་པ་བྱེ་བ་རུ།། དམྱལ་བའི་གནས་སུ་སྐྱེས་ནས་ཀྱང་།། དབང
264a4 པོ་མི་ཚང་སྡུག་བསྔལ་འབྱུང་།། ལྕེ་ལ་རྨོས་དོར་དགུ་བརྒྱ་བཙུགས།། ལུས་ལ་མཚོན་གྱི་ཆར་པ་འབེབས།། དེས་ན་ཐེག་པ་ཁྱད་མི་གསོད། ཁ་ལྟ་སྨད་ལ་དོན་ལྟ་བསྟོད།། ཉན་ཐོས་ཏིང་འཛིན་རྒྱུད་ལ་བསྒོམ།། དེ
264a5 ཡིས་གོང་འོག་ཟབ་མི་ཟབ།། ཆོས་ཀྱི་རོ་ཞེས་བོགས་ཡང་ཆེ།། དེ་བཞིན་དགུ་ཀ་རྒྱུད་ལ་འགལ།། མ་སྤངས་ཀློང་ཡངས་ང་ཡི་དང་།། རིམ་པ་དགུ་དང་བརྒྱ་ཁྲི་སྟོང་།། འབྱེད་པའི་ཕྱོགས་ཅན་ང་མི་རྟོགས།། འཆིང
264a6 བའི་ས་ལམ་བགྲོད་འདོད་པ།། ཚེ་གཅིག་སངས་རྒྱས་དེས་མི་ཐོབ།། ཨ་ནུ་མན་ཆོད་ལམ་ཆོད་ཀྱང་།། ས་མདོ་རྣམ་པ་གསུམ་སྤྱོད་དེ།། བསྐྱེད་པའི་ས་དང་སྤྱོད་པའི་ས།། སྒྲུབ་པའི་ས་དང་གསུམ་དུ་བསྟན།། སྐྱེད
iiif viewer powered by OpenSeadragon
