| e-texts navigator |
| Wylie |
263b1 དམུས་ལོང་གླང་བལྟས་འདྲ།། ཡིན་ནི་ཆོས་ཉིད་ང་ཡིན་ཏེ།། བྱུང་ནི་ཐེག་པ་སོ་སོར་བྱུང་།། འདུས་ནི་སྐྱེ་འགག་མེད་པར་འདུས།། བསྒྲིབས་ནས་སྡོམ་པ་དམ་ཚིག་བསྲུང་།། གནང་བཀག་གཅིག་ལ་མི་ཚེ
263b2 ཟད།། དམྱལ་ཁམས་བཅོ་བརྒྱད་དེ་ལ་ཚང་།། རྫོགས་ཆེན་གང་ཞིག་རྒྱུ་འབྲས་ལྕི།། མུ་སྟེགས་ཆད་པ་ལོགས་ན་མེད།། སྤྲོས་ལ་དགའ་བའི་གང་ཟག་ལ།། སྤྲོས་པ་ཅན་གྱི་ཆོས་ཀྱིས་འདུལ།། ཉན་ཐོས་རང་རྒྱལ་བྱང
263b3 སེམས་གསུམ།། གང་ཟག་དབང་པོ་དམན་ལ་བཤད།། ཀྲྀ་ཡ་ཨུ་པ་ཡོ་ག་གསུམ།། གང་ཟག་དབང་པོ་འབྲིང་ལ་བཤད།། མ་ཧཱ་ཨ་ནུ་ཨ་ཏི་གསུམ།། གང་ཟག་དབང་པོ་རབ་ལ་བཤད།། གང་ཟག་ཡང་རབ་ཐོད
263b4 རྒལ་ལ།། ཨ་ཏི་ཡང་རབ་ཐོད་རྒལ་བསྟན།། དེ་ཀུན་བློ་ཡི་རིམ་པར་སྦྱར།། ངེས་པར་ཡང་དག་ཚིག་ཆོད་ལ།། ས་ལམ་སྙིང་པོ་རྩོལ་སྒྲུབ་རྣམས།། སྤང་བླང་དབྱེ་བ་མེད་པར་གདལ།། སེམས་ཀྱིས་བྱས་པའི་ཐེག་པ
263b5 དགུ།། ཉམས་ལེན་ཡོད་མེད་ཁ་བཟུང་ནས།། ཐེག་དམན་ཀུན་གྱིས་འདི་མི་གོ། དཔེར་ན་རྒྱ་ཁམ་མིག་དག་ཏུ།། རས་ཡུག་བཙུད་བཞིན་བརྒྱལ་ཞིང་སྔངས།། རྫོགས་ཆེན་དགུ་ཀ་ཉམས་སུ་ལེན།། དམ་ཚིག་བསྲུང
263b6 མེད་རྟོགས་གྱུར་ཀྱང་།། ཆོས་སྤྱོད་བཅུ་ཡི་ཚོན་ཐག་འཐེན།། མདོ་རྒྱུད་བཀའ་ཡི་ཕུལ་ཟག་ཁྲོལ།། མན་ངག་ལུང་གི་ལམ་དུ་ཁྱེར།། སློབ་པ་གསུམ་གྱི་སྲོག་ཤིང་འཛུགས།། མ་ཡེངས་མི་ཞེན་རྟོགས་པའི་རྒྱན།། མུ
iiif viewer powered by OpenSeadragon
