| e-texts navigator |
| Wylie |
263a1 གསལ་བས་ཁྱབ་ཆད་དེ།། བསྟན་པ་ཀྲྀ་ཡ་ཨུ་པ་ཡོ་གའོ།། སྦྲུལ་སྐུའི་གནས་ནི་ངེས་མེད་བྱ་རྒོད་རི།། སྟོན་པ་རབས་བདུན་ཤཱཀ་ཐུབ་ལ་སོགས་པ།། འདུལ་ཞིང་བྱེ་བ་ཕྲག་བརྒྱའི་འཛམ་གླིང
263a2 སྟེ།། འཁོར་ནི་ལྷ་མི་མུ་སྟེགས་བསྟན་གསོ་རྣམས།། དབང་པོ་སེམས་གྱུར་ཐུགས་རྗེའི་བྱིན་རླབས་ནས།། དགེ་སློང་ཕོ་མོ་དགེ་བསྙེན་ཕོ་མོ་བཞི།། མ་ངེས་སྣ་ཚོགས་སྦྲུལ་སྐུའི་འཁོར་ཡིན་ཏེ།། བསྟན་པ་ཉན་ཐོས་རང
263a3 རྒྱལ་བྱང་སེམས་གསུམ།། སྐུ་གསུམ་སྟོན་གནས་འཁོར་བསྟན་བཤད་པ་ཡིན།། མ་རིག་ལུས་ཅན་འཁྲུལ་པའི་སེམས་ཅན་ལ།། ཉོན་མོངས་བརྒྱད་ཁྲི་བཞི་སྟོང་གནས་པ་ཡིན།། གཉེན་པོ་བརྒྱད་ཁྲི་བཞི་སྟོང་ཆོས
263a4 ཀྱང་བཤད།། ཆོས་སྒོ་བསམ་འདས་དེ་སྙེད་ཀྱང་།། སྡེ་སྣོད་གསུམ་གྱིས་འདུལ་བ་ཡིན།། འདོད་ཆགས་གཉེན་པོར་འདུལ་བ་དང་།། གཏི་མུག་གཉེན་པོར་མདོ་སྡེ་དང་།། ཞེ་སྡང་གཉེན་པོར་མངོན་པ་རྣམས།། ཀུན
263a5 ཀྱང་ཉི་ཁྲི་ཚིག་སྟོང་སྟེ།། དུག་གསུམ་ཆ་སྙོམས་སྡེ་སྣོད་གསུམ།། ཆ་སྙོམས་ཉི་ཁྲི་ཚིག་སྟོང་གསུངས།། འདུལ་བའི་སྣང་ངོ་ཐ་དད་པས།། ཡོད་ནི་གཅིག་ལས་མེད་པ་ལ།། བྱུང་ནི་ཐེག་པ་དགུ་རུ་བྱུང་།། མཐོང་ནི་སྣང
263a6 བ་དགུ་རུ་མཐོང་།། དེ་ཡིས་གང་བྱས་ལས་འབྲས་ཀུན།། རྫོགས་ཆེན་ང་ཡི་སོ་ནམ་ཡིན།། ཐེག་བརྒྱད་དམན་པ་སོ་སོ་ཡི།། གྲུབ་མཐས་ཕྱོགས་ཙམ་མ་གཏོགས་པ།། ང་ཉིད་རྫོགས་པར་ག་ལ་མཐོང་།། དཔེར་ན
iiif viewer powered by OpenSeadragon
