| e-texts navigator |
| Wylie |
262a1 ཆེ།། ཡེ་སྟོང་ཀུན་གྱི་འབྱུང་གནས་ལ།། རིག་པ་ཀ་དག་འོད་ཟེར་འབར།། ཀུན་ལ་ཡོད་པའི་འོད་པོ་ཆེ།། དཀྱིལ་འཁོར་སཱུརྱ་དྲངས་པ་ལ།། རང་མདངས་འོད་ཟེར་ཤར་བ་ལྟར།། རྣམ་དག་སྟོང་པའི
262a2 ནམ་མཁའ་ལ།། དོན་གྱི་སྙིང་པོ་མ་འདྲེས་པ།། གོམས་པའི་སྟོབས་ཀྱིས་རིམ་གྱིས་ནི།། ཚོམ་བུ་ལྔ་ཡི་དཀྱིལ་འཁོར་ཉིད།། མ་སྐྱེས་རྫོགས་པའི་ཚུལ་དུ་གསལ།། འོད་ཕུང་ནམ་མཁའི་མཐའ་དང་མཚུངས།། བག
262a3 ཆགས་གཟུགས་ལ་རབ་བརྟེན་ནས།། ཐིག་ལེ་སྟོང་པའི་ཡེ་ཤེས་ནི།། དག་པ་དབྱིངས་ཀྱི་ངང་ལ་སྦྱོར།། རང་སྣང་ཡེ་ཤེས་འོད་པོ་ཆེ།། སྒྲོན་མ་སྟོང་པ་ཀུན་གྱི་གཞི།། ཡུལ་སྣང་ཐམས་ཅད་རྣམ་པར་དག། འདི་ནི
262a4 ཡིད་དཔྱོད་མ་ཡིན་པར།། མངོན་སུམ་རང་ཐོག་ཕེབས་པའོ།། ཅི་ཕྱིར་མངོན་སུམ་ཞེས་པ་དེ།། སྒོ་དང་ཡུལ་དང་རིག་པ་གསུམ།། འདུ་འབྲལ་མེད་པར་སྣང་བའོ།། ཆོས་ཉིད་མངོན་སུམ་སྣང་བ་འདི།། མཐོང་བ་ཙམ
262a5 གྱིས་ཤེས་པ་དང་།། ཤེས་པ་ཙམ་གྱིས་རྟོགས་པ་དང་།། རྟོགས་པ་ཙམ་གྱིས་གྲོལ་བར་འགྱུར།། གྲོལ་བ་ཙམ་གྱིས་ཕྱིར་མི་ཟློག། ཅེས་གསུངས་ནས། སུས་ཀྱང་མ་བྱས་མངོན་སུམ་གྱི་སྣང་བ་རང་གྲོལ་དུ་ལྷན་ནེར
262a6 བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། ཡུལ་འཆར་སྒོ་བསྟན་པའི་ལེའུ་སྟེ་བཅོ་ལྔ་པའོ།། ། ས་མ་ཡ། རྒྱ་རྒྱ་རྒྱ།། དམྦ་མ་རྙིང་ཟརྡ་རྒན་ཛན་ཐ་ཊ་བྡ་ཎ་ཊམ་ཊ་ཊནེཿབསྡ་དེ་ནས་སེམས་དཔའ
iiif viewer powered by OpenSeadragon
