| e-texts navigator |
| Wylie |
260b1 སྒྲོན་མ་ཡིས།། རྣལ་འབྱོར་ཉམས་ཀྱི་ས་བོན་འདེབས།། འོད་སྣང་ཞིང་ཁམས་ཉིད་དུ་འཆར།། སྒྲོན་མའི་མཚན་རྟགས་མེད་བཤད་ཀྱང་།། མངོན་སུམ་མཐོང་བ་འདི་ཉིད་དོ།། སྣང་བ་ཀུན་གྱི་འཆར་བྱེད་སྒོ།། རྐྱེན
260b2 གྱིས་མ་བསྒྲིབས་རྒྱལ་མོ་ཆེ།། མིག་གི་དཀྱིལ་འཁོར་སྒོ་དག་ནས།། ཉི་མའམ་ནི་ཤེལ་མདངས་ལྟར།། རང་འོད་རང་ཆས་ཉིད་དུ་འཆར།། ཆོས་ཀྱི་མཚན་ཉིད་ཡེ་ཤེས་ལྔ། ཁ་དོག་མ་འདྲེས་མཚན་ཉིད་ལྡན།། སྐུ་དང
260b3 ཡེ་ཤེས་སྣང་བ་ནི།། རང་བཞིན་སྣང་བ་མ་འགགས་ཤར།། རིག་པའི་རང་སྐུ་ལྷ་ཁང་འདྲ།། སྒྲོན་མ་བཞི་ནི་མཐོངས་ཁ་འདྲ།། རང་རིག་ཡེ་ཤེས་མར་མེ་འདྲ།། སྒྲོན་མ་བཞི་ནི་འོད་ཟེར་འདྲ།། བཞི་ཡང་གཉིས་འདུས
260b4 གཉིས་ཀྱང་དབྱིངས།། རྒྱང་ཞགས་སྒོ་ཕྱེ་གཟུགས་རྣམས་འཛིན།། ཤེས་རབ་རྩལ་གྱིས་དོན་ཀུན་ཁྲིམས།། ཐིག་ལེས་དབྱིངས་དང་གཉིས་མེད་འདྲེས།། འོད་སྣང་གོམས་པས་རིམ་གྱིས་འཆར།། ཙཀྵུ་ཡེ་ཤེས་འཆར
260b5 བའི་སྒོ།། འདི་ལས་གཞན་ཞིག་ཡོད་མ་ཡིན།། ཅེས་གསུངས་ནས། གསལ་ལ་མ་འགགས་རྐྱེན་གྱིས་མ་བསྒྲིབས་གཏིང་གསལ་དུ་ལྷན་ནེར་བཞུགས་སོ།། ཐེག་པ་ཀུན་གྱི་སྤྱི་ཕྲད་ཀློང་ཆེན་རབ་འབྱམས་ཀྱི་རྒྱུད
260b6 ལས།། ཡེ་ཤེས་འཆར་བའི་སྒོ་བསྟན་པའི་ལེའུ་སྟེ་བཅུ་བཞི་པའོ།། །། ས་མ་ཡ། རྒྱ་རྒྱ་རྒྱ། མཊ། རྒྱཿསེམས་དཔའ་རྡོ་རྗེས་ཡང་ཞུས་པ། ཀྱེ། བྱ་བཙལ་བྲལ་བའི་ཀུན་ཏུ་བཟང་།། བརྡལ་བ་ཆེན
iiif viewer powered by OpenSeadragon
