| e-texts navigator |
| Wylie |
259a1 ཡིན།། རིག་མདངས་འཁོར་ལ་བཀའ་སྩོལ་ཅིག། སྟོན་པས་གསན་ནས་ལན་གསུངས་པ།། ཨ་ཧོ་སེམས་དཔའ་རྡོ་རྗེ་རྩལ།། སྙིང་ནང་གནས་པའི་ཡེ་ཤེས་དེ།། སྤྱི་ལམ་རྩ་བཞི་ཡིན་པ་སྟེ། ཁྱད་པར་ཀ
259a2 ཏི་ཤེལ་བུག་ཅན།། རྩ་ནི་དར་དཀར་སྐུད་དང་འདྲ། ཁྲག་དང་ཆུ་སེར་དེ་ལ་མེད།། སྙིང་གི་རྩེ་ནས་མར་ཟུག་ནས།། སྒ་འདབ་གཡས་ནས་ཡར་གྱེས་ཏེ།། རྩེའུ་ཆུང་གཡས་གཡོན་གཉིས་ནས་ཡར།། སྣ་འདབ་གཡས
259a3 གཉིས་ནས་ཀླད་པར་ཟུག། ཀླད་རྒྱའི་ནང་ནས་མིག་ལ་འབྲེལ།། རྩ་སྣ་རྒྱལ་མོ་གཉིས་ལ་ཟུག། རྒྱལ་མོ་རྒྱང་ཞགས་ཆུ་སྒྲོན་ནོ།། དར་དཀར་སྐུད་པ་ལྟ་བུ་སྟེ།། སྙིང་ནང་ཡེ་ཤེས་ལམ་ཞུགས་འཆར།། ཡེ་ཤེས་དེ་ཡི
259a4 རང་འོད་ནི།། ཙཀྵུ་ཞེས་པའི་སྒོ་ལ་ཐོན།། གཉིས་ཀྱི་ཆ་འཛིན་སྣང་བ་སྟོན།། ཀུན་ལ་ཡོད་པའི་ཡེ་ཤེས་དེ།། མེ་ལོང་དཀྱིལ་འཁོར་དྲངས་པ་ལ།། གང་བསྟན་རྐྱེན་དེ་འོང་བ་བཞིན།། རྣམ་དག་སྟོང་པའི་ནམ་མཁའ
259a5 ལ།། དོན་གྱི་སྙིང་པོ་ཚོམ་བུ་ལྔ།། མ་བསྐྱེད་ཡེ་རྫོགས་གནད་ཀྱང་སྣོད་ཀྱིས་གསལ།། སྣང་བར་ནུས་པ་འགྱུ་བྱེད་རླུང་།། རོ་རྐྱང་གཉིས་པོ་རླུང་གི་ལམ།། ཀུན་འདར་མ་ནི་བྱང་ཆུབ་ལམ།། ཤེལ་བུག་ཅན་གྱི་སྒྲོན
259a6 མའི་ལམ།། འོད་དང་ཟེར་དུ་རབ་སྣང་སྟེ།། དཔེར་ན་ཉ་ཡི་མིག་གིས་ནི།། གསེར་གྱི་བྲག་རྒྱུད་ཆ་ཕྲ་བ།། བཟོ་བོ་མཁས་པས་ལེགས་བརྒྱུས་ལྟར།། མུ་ཏིག་འཕྲེང་ལྟར་ཡུལ་ལ་ཐོན།། དེ་ནི་དག་པའི་ཡེ་ཤེས
iiif viewer powered by OpenSeadragon
