| e-texts navigator |
| Wylie |
258a1 བཞུགས་སོ།། ཐེག་པ་ཀུན་གྱི་ཡང་རྩེ་ཀློང་ཆེན་རབ་འབྱམས་ཀྱི་རྒྱུད་ལས། སྐུ་དང་ཡེ་ཤེས་ཞལ་ཕྱག་རྫོགས་པར་རང་ལུས་དཀྱིལ་འཁོར་ཡེ་རྫོགས་སུ་བཞུགས་ཚུལ་ངོ་སྤྲོད་བསྟན་པའི་ལེའུ་སྟེ་བཅུ
258a2 གཅིག་པའོ།། །། ས་མ་ཡ། རྒྱ་རྒྱ་རྒྱ། ཨཱ་ཊ་ཀྲག། ན་ཟབ་ཀྱི་ན།། ཛའམཿརྒྱ་རྒྱ་རྒྱ། རྦཊཿ་རྒྱཿསེམས་དཔའ་རྡོ་རྗེས་ཡང་གསོལ་པ།། ཀྱེ་ལྷུན་གྲུབ་མ་བཅོས་ཀུན་ཏུ་བཟང་།། ཡེ་གྲོལ་འགག་མེད་ཐུགས་རྗེའི
258a3 བདག། དག་པ་ཡེ་ཤེས་བཞུགས་ཚུལ་རྣམས།། ལེགས་པར་སྟོན་པས་གསུངས་ན་ཡང་།། མ་དག་ཉོན་མོངས་གནས་ཚུལ་རྣམས།། འདུས་པའི་འཁོར་ལོ་བཀའ་སྩོལ་ཅིག། དེ་སྐད་བསྐུལ་བ་སྟོན་པས་གསན།། ཀྱེ
258a4 ཧོ་སེམས་དཔའི་རྡོ་རྗེ་ཉོན།། མ་དག་ཉོན་མོངས་ཞེས་པ་འདི།། རླུང་ཆེན་གློ་བའི་གྲོང་ཁྱེར་ན།། མ་རིག་པ་དང་སེམས་དང་ཡིད།། རྣམ་པ་གསུམ་དུ་གནས་པ་སྟེ།། མ་རིག་པ་ཞེས་འཐོམ་པ་དེས།། རང་རིག་གཤིས
258a5 ལ་སྒྲིབ་པར་བྱེད།། སེམས་ཀྱིས་ཡེ་ཤེས་ཉིད་ལ་སྒྲིབ།། ཡིད་ཀྱིས་རིག་སྣང་ངོ་ལ་སྒྲིབ།། དེ་ལས་ཉོན་མོངས་བག་ཆགས་དང་།། ཀུན་གཞི་ཉིད་དང་འཛིན་རྟོག་བྱུང་།། གཟུང་འཛིན་ལམ་སྒོ་ལྔ་རུ་བྱུང་།། ཉོན་མོངས
258a6 སྡུག་བསྔལ་ལྔ་ལ་སྤྱོད།། གཅིག་ལ་མཐོང་སྣང་བརྗོད་འདས་བྱུང་།། གནས་ལུགས་རང་རྟོགས་མ་ཤེས་པས།། གཏི་མུག་མུན་པ་ལྟ་བུར་འཐིབས།། མ་གྲུབ་ཆ་ལ་མེད་བཞིན་དུ།། སེམས་ཅན་རང་ཆས་ཞེ་སྡང
iiif viewer powered by OpenSeadragon
