| e-texts navigator |
| Wylie |
257b1 བཟང་ཡབ་ཡུམ་འཁྲིལ་སྦྱོར་བཞུགས།། རུས་རྒྱན་ཞབས་གཉིས་བརྐྱང་བསྐུམ་སྟེ།། རྩ་འདབ་སུམ་ཅུ་སོ་གཉིས་ལ།། མ་ཧཱུཾ་ཐིག་ལེ་ཡིག་འབྲུས་བརྒྱན།། གཙོ་མོ་འདྲ་བས་གང་བར་གནས།། ལྟེ་བ་སྐྱེད་བྱེད་དྲུག་ཅུ
257b2 བཞི།། རྩ་མདུད་དབུས་ཀྱི་ལྟེ་བ་ལ།། འབྱུང་གཞིའི་དྭངས་མ་ཕ་མའི་རྒྱུ། ཁ་དོག་ལྔ་ལྡན་ཐིག་ལེ་དམར།། ཡི་གེ་ཧྲི་ནི་འོད་ཀྱི་སྐུ།། པདྨ་ཌཱ་ཀི་འཁྲིལ་སྦྱོར་ཅན།། བརྐྱང་བསྐུམ་པདྨའི་གདན་ལ་བཞུགས།། རྩ་མདུད
257b3 དྲུག་ཅུ་རྩ་བཞི་ལ།། ཐིག་ལེ་ཧྲི་ནི་འོད་ཀྱི་སྐུ།། གཙོ་མོ་འདྲ་བས་གང་བར་གནས།། གསང་གནས་བདེ་བ་མྱོང་བྱེད་ན།། རྩ་འདབ་ཉི་ཤུ་རྩ་བརྒྱད་ཀྱི།། ལྟེ་བའི་རྩ་མདུད་དབུས་ཉིད་ན།། ཕ་མའི་ཁུ་ཁྲག་ཐིག་ལེ
257b4 ལྡང་།། ཡེ་ཤེས་རང་མདངས་ལྔ་ལྡན་པ།། ས་ཡི་ཡི་གེ་འོད་ཀྱི་སྐུ།། ལས་ཀྱི་ཌཱ་ཀི་ཡབ་ཡུམ་ལྡང་།། རལ་གྲི་ཐོད་པ་གཡས་གཡོན་བསྣམས།། རྒྱ་གྲམ་གདན་ལ་འཁྲིལ་སྦྱོར་བཞུགས།། རྩ་འདབ་ཉེར་བརྒྱད་ཐིག་ལེ
257b5 ནི།། ས་ཡི་རྣམ་པ་གཙོ་མོ་འདྲ།། ཐམས་ཅད་གང་བར་གནས་པའོ།། བཞི་བརྒྱ་བདུན་ཅུ་རྩ་གཉིས་ལ།། ཌཱ་ཀི་ཞལ་སྦྱོར་བསམ་མི་ཁྱབ།། གྲངས་ལས་འདས་པའི་རྩ་ནང་ན།། ཐིག་ལེ་ཡི་གེ་བརྒྱད་ཚུལ་ལ།། ཌཱ་ཀི
257b6 ཡབ་ཡུམ་བརྗོད་མེད་གནས།། ཀུན་གྱི་ངོ་སྤྲོད་ཞིབ་རྒྱས་རྣམས།། སྟོན་པ་རྡོ་རྗེའི་ཐུགས་ལ་གནས།། སེམས་དཔའ་རྩལ་གྱིས་མ་འོངས་སྟོན།། ཅེས་གསུངས་ནས། རྫོགས་རིམ་ཐིག་ལེ་ཉག་གཅིག་ཀློང་དུ་ལྷན་ནེར
iiif viewer powered by OpenSeadragon
