| e-texts navigator |
| Wylie |
255b1 མོ་ཆུ་སྲིན་མགོ། བདུད་རྩི་དམར་མོ་སྡིག་པའི་མགོ། ཟླ་བ་དམར་མོ་ཁྲ་ཡི་མགོ། བེ་ཅོན་ཝ་མགོ་ལྗང་ནག་དང་།། སྲིན་མོ་སྟག་མགོ་དམར་མོ་དང་།། ཟ་བ་ལྗང་ནག་བྱ་རྒོད་མགོ། དགའ་བ་དམར་མོ་རྟ་ཡི
255b2 མགོ། སྟོབས་ཆེན་དམར་མོ་ཁྱུང་གི་མགོ། སྲིན་མོ་ཁྱི་མགོ་སེར་མོ་དང་།། འདོད་པ་དམར་མོ་པུ་ཤུད་མགོ། ནོར་སྲུང་ལྗང་གུ་ཤ་བའི་མགོ། རླུང་ལྷ་སྔོན་མོ་སྦྲང་མགོ་དང་།། མི་མོ་དམར་མོ་སྦྱིན་གྱི་མགོ། ཕག་མོ
255b3 ནག་མོ་ཕག་གི་མགོ། རྡོ་རྗེ་དམར་མོ་ཁྭ་ཡི་མགོ། སྣ་ཆེན་ལྗང་ནག་གླང་ཆེན་མགོ། ཆུ་ལྷ་སྔོན་མོ་སྦྲུལ་གྱི་མགོ། སྒོ་མ་བཞི་ནི་འདི་ལྟ་སྟེ།། རྡོ་རྗེ་དཀར་མོ་ཁུ་བྱུག་ཤར།། རྡོ་རྗེ་སེར་མོ་ར་མགོ་ལྷོ།། རྡོ་རྗེ་དམར་མོ
255b4 སེང་མགོ་ནུབ།། རྡོ་རྗེ་ལྗང་ནག་སྦྲུལ་མགོ་བྱང་།། དབང་ཕྱུག་ཉི་ཤུ་རྩ་བརྒྱད་དེ།། ཧེ་རུ་དྲག་པོའི་ལྷ་ཚོགས་ལས།། རང་བྱུང་སྐུ་ཡི་རྩལ་དུ་ཤར།། སྐུ་ནི་ཉུང་འབྲུ་ཙམ་པ་ལ།། མཁྱེན་དཔྱོད་མ་འགགས་ཐུགས
255b5 རྗེའི་སྤྱན།། ཕུལ་ཐག་ཙམ་གཟིགས་ཕྱི་ནང་མེད།། ཟང་ཐལ་གཅེར་གྲོལ་ཆེན་པོར་བཞུགས།། རྒྱུ་རྐྱེན་ལས་འདས་ཡེ་ཤེས་ནི།། དྭངས་མ་ལྔ་ཡི་རང་བཞིན་ཏེ།། ཡེ་ཤེས་ངོ་བོར་ཟང་ཐལ་ལེ།། རྟོག་མེད་ཡེ་ཤེས
255b6 ཁྱབ་ཆེའོ།། འོད་ཀྱི་མཚན་ཉིད་དངོས་པོ་བྲལ།། འབྱུང་ལྔའི་དངས་མ་ཁ་དོག་ལྔ།། མ་འདྲེས་རང་གསལ་ཉིད་དུ་སྟེ།། སྐུ་ལ་ཡེ་ཤེས་འོད་དུ་བྱུང་།། རིག་པའི་སྐུ་ནི་བུམ་སྐུ་འདྲ།། ཡེ་ཤེས་བུམ་ནང་མར་མེ་འདྲ།། འོད
iiif viewer powered by OpenSeadragon
