| e-texts navigator |
| Wylie |
254a1 མེད་པར་སྒོམ་པ་ནི།། མེ་ལོང་ཡེ་ཤེས་འཇུག་པའི་ལམ།། ཆེ་ཆུང་འཕོ་འགྱུར་མཐོ་དམན་མེད།། བརྗོད་བྱའི་ཚིག་རྣམས་ཀུན་དང་བྲལ།། བླ་མ་ཉིད་ཀྱིས་ངོ་སྤྲད་ནས།། རིག་པ་ཚད་ཕེབས་སྲང་ལ
254a2 ཚུད།། ཕྱོགས་ལྷུང་མེད་པར་བསྒོམ་པ་ནི།། མཉམ་ཉིད་ཡེ་ཤེས་འཇུག་པའི་ལམ།། ངོ་བོ་མཉམ་ཉིད་དེ་ཉིད་ལ།། གསལ་བ་མ་འགགས་སོ་སོར་སྣང་།། གང་ཤར་འཛིན་མེད་བསྒོམ་པ་ནི།། སོར་རྟོག་ཡེ་ཤེས་འཇུག།
254a3 པའི་ལམ།། ད་ལྟར་འཆར་ཚུལ་ངོ་ཤེས་པ།། དཀའ་ཐུབ་ཚད་མེད་མི་དགོས་ཏེ།། ཐམས་ཅད་ལྷུན་གྱིས་གྲུབ་པ་སྟེ།། བྱ་གྲུབ་ཡེ་ཤེས་འཇུག་པའི་ལམ།། བསྒོམ་བྱ་སྒོམ་བྱེད་ཉིད་དང་བྲལ།། ཐམས་ཅད་རང་གྲོལ
254a4 ལྷུན་གྲུབ་རྩལ།། མ་བསྒོམས་འཁོར་འདས་རང་སྲོག་ཆོད།། ཆོས་དབྱིངས་ཡེ་ཤེས་འཇུག་ལམ་མོ།། དེ་ནི་ལམ་དང་སྦྱར་བའོ།། འབྲས་བུ་ལྟར་དུ་བཤད་པ་ན།། དེ་ལྟར་འབྱུང་ལྔའི་དྭངས་མ་དེ།། ཡེ་ཤེས་རིག་པ
254a5 ཞེས་ཀྱང་བྱ།། ཕྱི་ལྟར་འབྱུང་ལྔ་ནང་ཕུང་པོ།། གསང་བ་དྭངས་མ་ལྔ་རུ་སྣང་།། ཡང་གསང་ལྟར་ན་ཡི་གེ་ལྔ།། བླ་མེད་ལྟར་ན་མཁའ་འགྲོ་ལྔ།། དུ་མ་སྣ་ཚོགས་ཕྱེ་གྱུར་ཀྱང་།། རིག་པའི་ཡེ་ཤེས་ཉིད་ལ
254a6 རྫོགས།། ཐམས་ཅད་ཡེ་ཤེས་རང་ཡིན་པས།། རང་བྱུང་ཡེ་ཤེས་རིག་པའོ།། ཁམས་གསུམ་སེམས་ཅན་ཐམས་ཅད་ལ།། སྙིང་པོ་ཡེ་ཤེས་གསུམ་ཕྱེ་ན།། རིག་པ་རྟོག་མེད་ཆོས་ཀྱི་སྐུ།། རིག་པ་འགག་མེད་ལོངས་སྐུ
iiif viewer powered by OpenSeadragon
