| e-texts navigator |
| Wylie |
253b1 འདྲ།། སོས་ཀའི་སྨིག་སྒྱུ་ཐང་བཀྲམ་འདྲ།། སྐུ་དང་ཡེ་ཤེས་འོད་དང་གསུམ།། འདུ་འབྲལ་མེད་པར་བུམ་པའི་སྐུ།། ཐོག་མའི་ཀ་དག་ཡེ་ཤེས་ལྔ།། དབྱེར་མེད་སྐུ་ལ་གསལ་ཡུལ་ལྔ།། རླུང་ལྔས་བསྐྱོད་པས་འབྱུང་བ
253b2 ལྔ།། འབྱུང་བ་དེ་ཡི་དྭངས་མ་ལྔ།། དེ་ལ་ཕུང་པོ་དྲངས་སྙིགས་ལྔ།། ཡེ་ཤེས་མཁའ་འགྲོ་ཤེས་རབ་ལྔ།། དེ་ཡང་གཞི་གནས་ཡེ་ཤེས་ལྔ།། ཕྱི་ནང་གསང་བ་གསུམ་དུ་བཤད།། དེ་ཡང་གཞི་ལམ་འབྲས་གསུམ
253b3 སྟེ།། གཞི་གནས་ཡེ་ཤེས་ལྔ་ཉིད་ནི།། གཞི་ཡི་རིག་པ་གཅེར་བུ་འདི།། འཁོར་འདས་མ་གྲུབ་དྲི་མེད་ཁྱབ།། སྐྱོན་གྱིས་མ་གོས་དཀར་མདངས་ལྡན།། དེ་ནི་མ་ཕྱེ་ཀུན་ལ་སྙོམས།། མཉམ་པ་ཉིད་ཀྱི་ཡེ་ཤེས་ཡིན།། དེ
253b4 ལ་ཡོན་ཏན་རྫོགས་པའི་དབུགས།། འོད་ཟེར་སེར་པོའི་ཚུལ་དུ་གནས།། བློ་ཡི་བྱེ་བྲག་སོ་སོར་ཤར།། དེ་ནི་སོར་རྟོག་ཡེ་ཤེས་ཡིན།། རང་རྩལ་དྲོད་ལྡན་དམར་པོར་ལྡན།། གང་ཤར་བྱ་བཙལ་མེད་པར་གྲུབ།། བྱ་བ
253b5 གྲུབ་པའི་ཡེ་ཤེས་སོ།། འགག་པ་མེད་པའི་སྟོང་ལྡན་ནི།། འོད་ཟེར་ལྗང་གུའི་ཚུལ་དུ་གནས།། ཐམས་ཅད་ཆོས་ཀྱི་དབྱིངས་སུ་འདུས།། ཀུན་ཀྱང་ཆོས་ཉིད་སྟོང་པ་ཡིན།། རང་རྩལ་ཉིད་ལས་མ་འདས་ཏེ།། དེ་ནི
253b6 ཆོས་དབྱིངས་ཡེ་ཤེས་ཡིན།། མི་འབྱུང་མཐིང་གར་རང་གསལ་ལོ།། ལམ་དང་སྦྱར་ན་འདི་ལྟར་རོ།། རིག་པའི་ཡེ་ཤེས་ཟང་ཐལ་འདི།། དྲི་མེད་མེ་ལོང་གཡའ་དག་ལྟར།། གསལ་ལ་སྒྲིབ་མེད་སང་ངེ་བ།། ཡེངས་པ
iiif viewer powered by OpenSeadragon
