| e-texts navigator |
| Wylie |
253a1 ཞགས་པ་མ།། ནུབ་སྒོར་རྟ་མགྲིན་ལྕགས་སྒྲོག་མ།། བྱང་སྒོར་བདུད་རྩི་དྲིལ་བུ་གཉིས།། སྤྱི་བོར་བརྒྱ་བྱིན་སྐུ་མདོག་དཀར།། ལྷག་པར་ལྷ་མིན་ཟགས་བཟང་ལྡང་།། སྲོག་རྩར་ཤཱཀ་ཐུབ་སེར་པོ
253a2 དང་།། གསང་བར་བྱོལ་སོང་ཐུབ་པ་མཐིང་།། ལྟེ་བར་ཁ་འབར་དམར་པོ་དང་།། རྐང་མཐིལ་ཨ་བ་ནག་པོ་བཞུགས།། དེ་ལྟར་བཞི་བཅུ་རྩ་གཉིས་རྣམས།། ཆོས་སྐུ་ཡེ་ཤེས་ཟང་ཐལ་ལེ།། ངོ་བོ་རང་བཞིན་ཐུགས
253a3 རྗེར་ལྡན།། སྟོང་པ་ཡེ་ཤེས་སྙིང་པོ་ཅན།། གསལ་བ་འོད་ཀྱི་སྙིང་པོ་ཅན།། རང་བྱུང་རིག་པའི་སྙིང་པོ་ཅན།། སྒྲིབ་གཡོགས་མེད་པ་ཟང་ཐལ་ལེ།། ཕྱོགས་མཚམས་མེད་པར་ཁྱབ་གདལ་ལེ།། གསལ་འགྲིབ་མེད
253a4 པར་དངས་སང་ངེ།། ངོ་ལྐོག་མེད་པར་རྗེན་ཅེར་རེ།། སྟོང་གསལ་ཁྱབ་པ་ཆེན་པོར་བཞུགས།། དེ་ཡང་ལྔ་ལྡན་ཆེན་པོ་སྟེ།། སྟོང་པ་ཡེ་ཤེས་སྙིང་པོ་ཅན།། ཡང་དག་ས་རུ་དེ་སངས་རྒྱས།། ཐིག་ལེ་ཉག་གཅིག་སྐུ་རུ
253a5 བཞུགས།། ཐོག་མའི་སངས་རྒྱས་འོད་མི་འགྱུར།། འོད་ཟེར་སྙིང་པོའི་སྐུ་རུ་བཞུགས།། རང་བྱུང་རིག་པའི་སྙིང་པོ་ཅན།། རིག་སྟོང་ལྷན་གྲུབ་ཆེན་པོར་བཞུགས།། འགག་འགྲིབ་མེད་དེ་ཟང་ཐལ་ལེ།། ཡེ་ཤེས་ཆེན
253a6 པོའི་རང་བཞིན་དུ།། རང་བཞིན་ལྷུན་གྲུབ་སྐུ་རུ་བཞུགས།། ཆོས་སྐུ་རྣམ་དག་ཆོས་དབྱིངས་སུ།། གཟུགས་སྐུའི་ཞིང་ཁམས་ཡོངས་སུ་རྒྱས།། མ་འདྲེས་ཡོངས་སུ་རྫོགས་པ་སྟེ།། རྒྱ་མཚོར་གཟའ་སྐར་ཤར་བ
iiif viewer powered by OpenSeadragon
