| e-texts navigator |
| Wylie |
252b1 གནས་ལུགས་ནི།། གོང་དུ་རྒྱས་པར་བཤད་ན་ཡང་།། བཞུགས་ཚུལ་ཞལ་ཕྱག་བཤད་ཀྱིས་ཉོན།། ཆོས་སྐུ་ཡེ་ཤེས་ཆེན་པོ་དེ།། ཙིཏྟ་རིན་ཆེན་ཟུར་བརྒྱད་དུ།། ས་བོན་ཡི་གེའི་ཚུལ་མདངས་ཅན།། རྩ་རྣམས་དྲངས
252b2 མ་ཀུན་འདུས་པ།། རྒྱ་མཚོ་གསེར་གྱི་ཉི་མ་ཅན།། ཡེ་ཤེས་ཚུལ་དུ་ཆོས་སྐུར་བཞུགས།། མཚན་མའི་ལུས་སམ་ཞལ་ཕྱག་མེད།། རང་གི་སྙིང་གི་དཀྱིལ་དག་ན།། སེང་ཆེན་སྣོལ་བའི་ཁྲི་སྟེང་ན།། རིག་པ
252b3 ཀུན་ཏུ་བཟང་པོ་མཐིང་།། ཡིད་བྱེད་ཀུན་ཏུ་བཟང་མོ་འདི།། དཀར་གསལ་ཚུལ་དུ་ཡེ་ནས་བཞུགས།། དེ་མདངས་སྣང་མཛད་ཡབ་ཡུམ་དཀར།། འཁོར་ལོ་བསྣམས་ཤིང་སེང་སྟེང་འགྱིང་།། ཤར་དུ་རྡོ་རྗེ་མི
252b4 བསྐྱོད་མཐིང་།། སངས་རྒྱས་སྤྱན་དང་གཉིས་སུ་མེད།། ས་སྙིང་བྱམས་པ་མེ་ཏྲི་ལ།། ལཱ་སྱ་མ་དང་མཱ་ལེས་བསྐོར།། ཤར་ཕྱོགས་ཚོམ་དུ་དྲུག་ཏུ་བཞུགས།། རིན་འབྱུང་ཡབ་ཡུམ་རྟ་མཆོག་གདན།། ནམ་སྙིང་ཀུན་ཏུ
252b5 བཟང་པོ་དང་།། གིརྟི་ནི་རྟི་གཉིས་བཞིས་བསྐོར།། རང་གི་སྙིང་གི་ལྷོ་ན་བཞུགས།། སྣང་མཐའ་ཡབ་ཡུམ་པད་གདན་དམར།། སྤྱན་རས་གཟིགས་དང་འཇམ་དཔལ་དང་།། པུཥྤེ་དྷཱུ་པེ་བཞིས་བསྐོར་ནས།། ཚོམ་བུའི
252b6 སྐུ་དྲུག་ནུབ་ཏུ་བཞུགས།། དོན་གྲུབ་ཡབ་ཡུམ་ལྗང་གུ་ལ།། ཕྱག་རྡོར་སྒྲིབ་པ་རྣམ་པར་སེལ།། ཨཱ་ལོ་ཀེ་དང་གནྡྷེ་མ།། ཚོམ་བུའི་སྐུ་དྲུག་བྱང་དུ་བཞུགས།། ཤར་སྒོར་རྣམ་རྒྱལ་ལྕགས་ཀྱུ་གཉིས།། ལྷོ་སྒོར་གཤིན་རྗེ
iiif viewer powered by OpenSeadragon
