| e-texts navigator |
| Wylie |
252a1 ཟུང་འབྲེལ་བདེ་སྟོང་ལ།། ས་ལམ་གཅིག་ཆོད་སྟན་གཅིག་སྟེ།། ཡོན་ཏན་ཐམས་ཅད་དེ་ལ་ཚང་།། སྣང་སྲིད་ཐམས་ཅད་ཆོས་སྐུའི་ཞིང་།། སྡེ་ལྟར་བྱས་ཀྱང་བདེ་བ་ཆེ།། མ་བཅོས་ཀུན་གྲོལ་མཉམ་པ
252a2 ཉིད།། རང་ལུས་རྒྱལ་བའི་ད་ལ་རུ།། སྐུ་དང་ཡེ་ཤེས་ཐིག་ལེ་རླུང་།། སྐུ་གསུམ་རང་ལ་རང་ཆས་གནས།། དེ་ཕྱིར་རང་ལ་རང་ལོངས་སྤྱོད།། མཁའ་འགྲོའི་སྲོག་ཆགས་དམ་པ་རྣམས།། རང་ལ་ཡེ་ནས་མི་གནས
252a3 ན།། བསྒྲུབས་ཀྱང་འགྲུབ་པར་ག་ལ་འགྱུར།། རང་ལ་གནས་པ་རང་གསལ་གདབ།། དེ་ཕྱིར་རྩ་རླུང་བདེ་སྟོང་སྤྱད།། ལྷག་མེད་སངས་རྒྱས་ཐུན་མོང་འགྲུབ།། ཅེས་གསུངས་ནས་ཀ་དག་བྱ་བྲལ་ཆེན་པོའི་ངངལ
252a4 ལྡན་ནེར་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས།། ཐིག་ལེའི་གནས་ལུགས་བསྟན་པའི་ལེའུ་སྟེ་བཅུ་པའོ།། །། ། མཱ་ཐུག་ནམ་ཀྱུ་རྣམ། རྒྱ་མས་རྒྱས་ཐམས་ན་ཏུ་མཛཤཿརྒ
252a5 རྒྱ་རྒྱཿསེམས་དཔའ་རྡོ་རྗེས་ཡང་གསོལ་པ།། ཀྱེ་ཡེ་ཤེས་གསུམ་ལྡན་ཀུན་ཏུ་བཟང་།། ཐུགས་རྗེས་ཀུན་ཁྱབ་རོལ་པའི་རྗེ།། ཐིག་ལེའི་གནས་ལུགས་གསུངས་ན་ཡང་།། རིག་པ་ཡེ་ཤེས་གནས་ལུགས
252a6 སམ།། སྐུ་མདོག་ལྷ་གྲངས་སྡེ་ལྟ་བུ།། བཞུགས་ཚུལ་མཚན་ཉིད་སྡེ་ལྟ་བུ།། སྟོན་པས་རིག་མདངས་འཁོར་ལ་གསུངས།། ཞེས་པ་སྟོན་པས་གསན་དགོངས་ཏེ།། ཉོན་ཅིག་སེམས་དཔའ་རྡོ་རྗེ་རྩལ།། དག་པ་ཡེ་ཤེས
iiif viewer powered by OpenSeadragon
