| e-texts navigator |
| Wylie |
251a1 པོའོ།། ནང་ལྟར་ཉོན་མོངས་དུག་ལྔ་སྟེ།། གཏི་མུག་ཞེ་སྡང་ང་རྒྱལ་འདོད་ཕྲག་དོག། ནང་ལྟར་ཕྲིན་ལས་ལྔ་ཡིན་ཏེ།། ཞི་རྒྱས་དབང་དྲག་ཐམས་ཅད་དག། དེ་ལྟར་ཡིན་པའི་ཡོན་ཏན་གྱིས།། རྒྱུ
251a2 ཡི་ཐིག་ལེ་མ་སྤངས་སྒྲུབས།། བདེ་དང་གསལ་དང་མི་རྟོག་དང་།། རྩོལ་བྲལ་ཀུན་ཁྱབ་འདི་ཡི་ཁྱད།། ཐིག་ལེ་རང་བྱུང་རང་གནས་པ།། སངས་རྒྱས་མཁའ་འགྲོའི་ངོ་བོ་ཡིན།། རང་གསལ་རྡོ་རྗེ་མཁའ་འགྲོ
251a3 སྟེ།། རང་གྲོལ་རིན་ཆེན་མཁའ་འགྲོ་ཡིན།། གསལ་འཚེར་པདྨ་མཁའ་འགྲོ་སྟེ།། ཟླུམ་པོ་ལས་ཀྱི་མཁའ་འགྲོའོ།། རྒྱུ་ཡི་ཐིག་ལེ་སྤང་གྱུར་ན།། གསང་སྔགས་དམ་ཚིག་ཀུན་ཉམས་ནས།། བསྐལ་པ་འབུམ་ཁྲིར་ན
251a4 རག་སྤྱོད།། དེ་ཕྱིར་ཐིག་ལེ་མ་ཉམས་བསྲུང་།། ཐིག་ལེ་སྒྲུབ་པའི་རྫས་ལ་གནག། སྒྱུ་མའི་ཐིག་ལེ་ཉམས་གྱུར་ན།། མཁའ་འགྲོ་འབུམ་སྡེས་ངུ་སྐད་འདོན།། མི་མཐུན་རྐྱེན་དང་བར་ཆད་འབྱུང་།། ཐིག་ལེ་མ་ཉམས
251a5 བསྲུང་གྱུར་ན།། འདས་དང་མ་འདས་ཐམས་ཅད་ཀུན།། དབང་དུ་འདུ་བར་ཐེ་ཚོམ་མེད།། འཁོར་འདས་ཀུན་གྱི་སྲོག་ཡིན་ཏེ།། དེ་ཕྱིར་ཐིག་ལེ་མ་ཉམས་པར།། མཚན་ལྡན་མ་ལ་བདེ་བ་བསྐུལ།། རྩ་བཙལ་བྱིན
251a6 གྱིས་བརླབ་པ་དང་།། སྦྱོར་དང་ཕབ་བཟློག་འདྲེན་འགྲེམས་དང་།། བཅུ་དྲུག་ཕྱེད་ཕྱེད་ཐིག་ལེ་སྦྱང་།། ཕུང་པོ་ཁམས་དང་སྐྱེ་མཆེད་ཀུན།། རྒྱལ་བའི་དཀྱིལ་འཁོར་ཆེན་པོར་བསྒོམ།། དབང་པོ་འདོད་ཡོན་ཐམས
iiif viewer powered by OpenSeadragon
