| e-texts navigator |
| Wylie |
250b1 ཀྱི་སྲོག་ཡིན་ནོ།། སྐུ་དང་ཐིག་ལེ་གཉིས་སུ་མེད།། རང་ལུས་ཀུན་ལ་ཁྱབ་པར་གནས།། ངོ་སྤྲོད་མ་ཡེངས་འདི་ཡིད་ཞོག། ཕྱི་ལྟར་འབྱུང་བ་ལྔ་ཡིན་ཏེ།། ས་ཆུ་མེ་རླུང་ནམ་མཁའ་འོ།། ནང་ལྟར་ཡུམ་ཆེན་ལྔ་ཡིན
250b2 ཏེ།། མཱ་མ་ཀཱི་དང་སངས་རྒྱས་སྤྱན།། གོས་དཀར་ཆོས་དབྱིངས་དམ་ཚིག་སྒྲོལ།། གསང་བ་ལྟར་ན་མཁའ་འགྲོ་ལྔ།། རྡོ་རྗེ་མཁའ་འགྲོ་རིན་ཆེན་དང་།། པདྨ་ལས་དང་ཆོས་དབྱིངས་སོ།། ཡང་གསང་ལྟར་ན་ཡེ་ཤེས
250b3 ལྔ།། མེ་ལོང་མཉམ་ཉིད་སོར་རྟོག་དང་།། བྱ་གྲུབ་ཆོས་དབྱིངས་ཡེ་ཤེས་སོ།། ཕྱི་ལྟར་འཁོར་ལོ་ལྔ་ཡིན་ཏེ།། སྤྱི་བོ་མགྲིན་པ་སྙིང་ག་དང་།། ལྟེ་བ་གསང་གནས་བདེ་བྱེད་དོ།། ནང་ལྟར་ཐིག་ལེ་ལྔ་ཡིན་ཏེ།། གཞི
250b4 གནས་ཐིག་ལེ་ཀུན་རྫོབ་རྒྱུ།། དོན་དམ་སྤྲོས་མེད་རང་བྱུང་འབྲས།། མི་འགྱུར་ཐིག་ལེ་རང་གསལ་ལོ།། གསང་བ་ལྟར་ན་ཡི་གེ་ལྔ།། མ་དང་ཧ་རི་ནི་སའོ།། ཡང་གསང་ལྟར་ན་ཁ་དོག་ལྔ།། དཀར་དམར་སེར་ལྡང
250b5 མཐིང་གའི་མདོག། སྐུ་ལྔ་ལྟར་ཡང་ལྷུན་གྲུབ་སྟེ།། མངོན་པར་བྱང་ཆུབ་ཆོས་ལོངས་སྤྲུལ།། ངོ་བོ་ཉིད་ཀྱི་སྐུ་ཡིན་ནོ།། ཕྱག་རྒྱ་རྣམ་པ་ལྔ་ཡིན་ཏེ།། རྫོགས་པ་ཆེན་པོའི་ཕྱག་རྒྱ་དང་།། ཆོས་ཉིད་དོན་གྱི་ཕྱག་རྒྱ
250b6 དང་།། དམ་ཚིག་འཕྲོ་འདུའི་ཕྱག་རྒྱ་དང་།། གཉིས་མེད་ལས་ཀྱི་ཕྱག་རྒྱ་དང་།། ཕྲིན་ལས་ཀུན་གྲུབ་ཕྱག་རྒྱའོ།། ཕྱི་ལྟར་ཕུང་པོ་ལྔ་ཡིན་ཏེ།། གཟུགས་ཕུང་རྣམ་ཤེས་ཚོར་བ་དང་།། འདུ་ཤེས་འདུ་བྱེད་ཕུང
iiif viewer powered by OpenSeadragon
