| e-texts navigator |
| Wylie |
250a1 ཅིག། ཅེས་པ་སྟོན་པས་གསན་ཅིང་དགོངས།། འདི་སྐད་འཁོར་ལ་བཀའ་སྩལ་པ། ཀྱེ་ཧོ། ཡེ་ཤེས་རང་རྩལ་ལུས་འདི་ཉིད།། རྩ་ཡི་དྲ་བ་ཐིག་ལེས་ཁྱབ།། ཐིག་ལེ་ཡིག་འབྲུ་སྐུ་ཡེ་ཤེས།། རྩ་རེའི་ནང
250a2 ན་རླུང་རེ་གནས།། རླུང་ཡང་ཡེ་ཤེས་ཐིག་ལེ་རྣམས།། ཉུང་འབྲུ་ཙམ་གྱིས་ཐམས་ཅད་ཁྱབ།། ཕོ་ལ་ཐིག་ལེ་དངོས་སུ་འབབ།། མོ་ལ་སྙོམས་འཇུག་ཁམས་རྒྱས་དུས།། སྣ་བུག་གཡས་སུ་འབབ་པའོ།། ཀུན་རྫོབ་ཐིག
250a3 ལེ་དེ་དག་ནི།། འབྱུང་བ་ལྔ་ཡི་དྭངས་མ་ཡིན།། ཡུམ་ཆེན་སྡེ་ལྔ་དངོས་ཡིན་ཏེ།། མཁའ་འགྲོ་རྣམས་ཀྱི་སྲོག་ཡིན་ནོ།། དེ་ལ་ཡེ་ཤེས་ཐིག་ལེ་གནས།། དོན་དམ་ཀུན་རྫོབ་ཐིག་ལེ་གཉིས།། དབྱེར་མེད་གཅིག་གི་རང
250a4 བཞིན་ནོ།། ཀླད་པ་རྐང་མར་རུས་པ་རྣམས།། རྩ་དང་ཆུ་རྒྱུས་ཞག་ཚིལ་བུ།། ཕ་ཡི་ཐིག་ལེ་དཀར་པོས་བསྐྱེད།། ཤ་ཁྲག་ཆུ་སེར་སྤུ་ལྤགས་རྣམས།། མ་ཡི་ཐིག་ལེ་དམར་པོས་བསྐྱེད།། དེ་ནས་ལུས་ཀྱི་རྩལ་རྫོགས་ཏེ།།
250a5 ཁ་མིག་རྣ་བ་ཅན་དུ་བྱོན།། བྱེ་བྲག་ཐིག་ལེའི་གནས་ལུགས་ནི། ཁྱད་པར་འཁོར་ལོ་བཞི་ཡི་དབུས།། ཕ་མའི་ཐིག་ལེ་ཉུང་འབྲུ་ཙམ།། དངུལ་ཆུ་རྒྱ་སྐྱེགས་ཚུལ་དུ་གནས། ཁ་དོག་ལྔ་ལྡན་ཡེ་ཤེས་གཟུགས།། ཡིག
250a6 འབྲུ་སྐུ་ཡི་ཚུལ་དུའོ།། བ་སྤུའི་བུ་ག་ཚུན་ཆད་ཀྱི།། གྲངས་ཅན་གྲངས་མེད་བསམ་འདས་པ།། ཕ་མ་གཉིས་ཀྱི་ཐིག་ལེས་ཁྱབ།། ཐིག་ལེ་ཡེ་ཤེས་རིག་པའི་རྩལ།། འབྱུང་བ་ལྔ་འདུས་དྭངས་མ་ཡིན།། འདས་མ་འདས
iiif viewer powered by OpenSeadragon
