| e-texts navigator |
| Wylie |
248b1 མགོ་མཇུག་ཀུན་ཁྱབ་སྟེ།། ཕོ་བའི་ནང་ན་ལྷག་པར་གནས།། ཟས་རྣམས་འཇུ་ཞིང་ལུས་དྲོད་བསྐྱེད།། དངས་སྙིགས་འབྱེད་བྱེད་རླུང་ལྗང་གུ།། འོད་དང་བཅས་པ་སྙིང་ནང་གནས།། གློ་བའི་ནང་སོད་ལུས་ཀུན་ཁྱབ།།
248b2 ཁྱད་པར་ཁ་སྣ་གཉིས་ལ་གནས།། ཟས་རྣམས་དྭངས་སྙིགས་གཉིས་ཕྱེས་ནས།། དྭངས་མས་ཕུང་ཁམས་སྐྱེད་པར་བྱེད།། སྙིགས་མ་དྲི་ཆེན་དྲི་ཆུར་ཕྱེ།། བཤང་བའི་ལམ་ནས་ཕྱིར་དོར་རོ།། སྙིང་རྗེ་མེད་པ་ལས་རླུང
248b3 ནི། མཐིང་གའི་འོད་ཅན་སྙིང་ནང་གནས།། རིག་པ་དག་དང་གཉིས་མེད་པ།། དེ་ནི་སྲེག་པའི་རྩ་ལ་ཞུགས།། དབྱེར་མེད་གཅིག་ཏུ་གནས་པའོ།། བྱེ་བྲག་འཁོར་ལོ་རླུང་གནས་ནི།། དང་པོ་ལྟེ་བ་སྐྱེད་བྱེད་དུ།། རླུང
248b4 གི་དབྱིངས་ནི་འོད་མའི་གཞུ།། ཆད་ཟུང་འོད་ཀྱི་གོང་བུ་ལྟར།། རབ་ཏུ་རྒྱས་ཏེ་ཐིག་ལེས་བརྒྱན།། སྤྱན་གྱི་རྣམ་པ་སྲོག་འཛིན་རླུང་།། སྙིང་རྗེའི་རླུང་ནི་ཆད་ཟུང་འོག། བྱིའུ་ལེབ་མའི་མིག་ལྟར་གནས།། དེ་ཡི་གཡས
248b5 སུ་མེ་མཉམ་རླུང་།། བྱེ་བའི་ཁ་རླང་ལྟ་བུར་གནས།། གཡོན་དུ་ཁྱབ་བྱེད་ལྦུ་བ་འདྲ།། གཞུ་རྒྱུད་དཀྱིལ་ན་དྲངས་སྙིགས་རླུང་།། ལྕགས་ཚགས་སྤྱན་གྱི་རྣམ་པར་གནས།། སྲིད་པ་ལྟེ་བའི་རླུང་དབྱེའོ།། དྲན་པ་འདུས
248b6 པའི་རླུང་ལྔ་ནི།། ཙིཏྟ་རིན་ཆེན་ཟུར་བརྒྱད་ཚུལ།། དབུས་སུ་སྲོག་འཛིན་རླུང་ཞེས་པ།། ཐིག་ལེ་སྲན་གོང་ལྟ་བུར་གནས།། དེ་ཡི་འོག་ཏུ་ལས་ཀྱི་རླུང་།། ཆན་གྲུབ་ཚུལ་དུ་གནས་པའོ།། དེ་རྩེར་ཐིག་ལེ་སྐུ་ཡི
iiif viewer powered by OpenSeadragon
