| e-texts navigator |
| Wylie |
248a1 འབྱུང་།། སེམས་འདི་མེད་ན་རླུང་མི་འབྱུང་།། སེམས་གཅིག་བྱུང་ནས་ཡེ་ཤེས་གྲུབ།། ཡེ་ཤེས་རྩལ་ལས་འགག་མེད་འཆར།། རྩ་རླུང་ཐིག་ལེ་རིག་པ་སེམས།། ཐམས་ཅད་དབྱེར་མེད་རོ་གཅིག
248a2 འདུས།། མ་ཤེས་སོ་སོར་བཟུང་བ་ཡིས།། མིང་མེད་མིང་དུ་སོང་བ་བཞིན།། ཡེ་ཤེས་ལྔ་ལས་འབྱུང་བ་ལྔ།། དུག་ལྔ་ཉོན་མོངས་ལ་སོགས་པ།། གཅིག་ལ་སྣ་ཚོགས་བཟུང་བས་འཁྲུལ།། ཡང་དག་དོན་གྱི་ཆར་མ
248a3 ཉེ།། ཐམས་ཅད་རིག་པ་རླུང་གི་རྩལ།། དབྱེར་མེད་རོ་གཅིག་ངོ་ཤེས་ན།། རང་སེམས་རིག་པའི་ངོ་བོར་གྲོལ།། མཁའ་ལ་སྤྲིན་དེངས་ཇི་བཞིན་ནོ།། ཟག་བཅས་ལུས་ཀྱང་མི་སྣང་བར།། ཡེ་ཤེས་ཀློང་དུ་འཚང
248a4 རྒྱའོ།། ཡེ་ཤེས་རྩལ་གྱི་ལུས་ཉིད་ལ།། རླུང་གནས་སྤྱི་དང་བྱེ་བྲག་གཉིས།། བསམ་འདས་བཤད་ཀྱང་ལྔ་རུ་འདུས།། འདེགས་བྱེད་རླུང་ནི་འོད་དཀར་ཚུལ།། སྙིང་ནས་མཆེར་རྩའི་ནང་ལ་ཐོན།། ལུས་ཀུན་ཁྱབ་པར
248a5 དེ་གནས་སོ།། ལྷུ་ཚིགས་བཞི་ལ་ཁྱབ་པར་གནས།། ཤ་རུས་པགས་པའི་སྟོབས་རྣམས་བསྐྱེད།། བཀྲགས་དང་གཟི་མདངས་སྐྱེད་པའི་རླུང་།། འོད་སེར་ཚུལ་དུ་སྙིང་ནང་ནས།། ཕྱིར་ཐོན་མཁལ་རྩའི་ནང་ནས
248a6 ནི།། མགོ་མཇུག་ལུས་ཁྱབ་སྨེན་དབྲག་ནས། ཁྲག་དང་ཆུ་སེར་བཀྲག་མདངས་སྐྱེད།། མི་མཉམ་དྲོད་དང་འབེབ་པའི་རླུང་།། སྙིང་ནང་འོད་དམར་ཚུལ་དུ་གནས།། མཆིན་རྩའི་ནང་ནས་ཕར་ཐོན་ནས།། ལུས་ཀྱི
iiif viewer powered by OpenSeadragon
