| e-texts navigator |
| Wylie |
247b1 གནས་ལུགས་རྣམས།། ཕྱི་རབས་རྣམས་ཀྱིས་མི་གོ་བས།། སྟོན་པས་འཁོར་ལ་བཀའ་སྩོལ་ཅིག། མ་འཁྲུལ་དག་པའི་བློ་ཡིས་འཛིན།། ཅེས་པ་སྟོན་པས་གསན་དགོངས་ཏེ།། ཞལ་མདངས་འོད་ཀྱིས་འཛུམ་བསྟན
247b2 ནས།། ཞུས་པའི་ལན་དུ་བཀའ་སྩལ་པ།། ཨེ་མ་སེམས་དཔའ་རྡོ་རྗེ་རྩལ།། ཡེ་ཤེས་རླུང་གིས་མ་ཁྱབ་མེད།། དེ་ལ་རྣམ་གྲངས་མང་ན་ཡང་།། ལས་རླུང་ཡེ་ཤེས་རླུང་གཉིས་སོ།། ཡེ་ཤེས་རླུང་ནི་སེམས་དང
247b3 འདྲེས།། སེམས་ནི་ལས་རླུང་དག་དང་འདྲེས།། རླུང་སེམས་གཉིས་སུ་མེད་པས་ཏེ།། ཀུན་འདུས་རླུང་གིས་ལས་བྱེད་དོ།། རླུང་ནི་རྩ་གསུམ་ནང་ནས་འགྱུ།། ལྔ་སྟོང་བཞི་བརྒྱ་ས་རླུང་སྟེ།། མེ་ཆུ་གཉིས་ཀྱང་དེ་ཙམ
247b4 མོ།། ཉི་ཁྲི་ཚིག་སྟོང་དྲུག་བརྒྱ་འགྱུ།། བྱེད་པའི་ལས་ནི་གཉིས་ཡིན་ཏེ།། གྱེན་རྒྱུ་ཐུར་དུ་གཤང་གཅི་འཕེན།། སྣང་སྲིད་ཐམས་ཅད་རླུང་ལ་བརྟེན།། རླུང་ནི་ཐམས་ཅད་བྱེད་ལས་སོ།། འདེགས་པའི་ནུས་སྟོབས་ལྡན
247b5 པས་ན།། ས་ལ་རླུང་གིས་ཁྱབ་པའོ།། ཆུ་ལ་རླུང་གིས་ཁྱབ་པའི་ཕྱིར།། འབབ་པའི་རྩ་ལ་ཤུགས་ལྡན་པའོ།། རླུང་གིས་མེ་ལ་ཁྱབ་པའི་ཕྱིར།། འབར་བའི་ནུས་རྩལ་ལྡན་པའོ།། རླུང་ལ་རླུང་གིས་ཁྱབ་པས་ན།། འགྲོ
247b6 བའི་རྩལ་ཤུགས་ལྡན་པའོ།། མཁའ་ལ་རླུང་གིས་ཁྱབ་པའི་ཕྱིར།། བཀྲག་མདངས་ཡོན་ཏན་ཀུན་འབྱུང་འཆར།། སྤྱིར་ན་རྩ་རླུང་རིག་པ་གསུམ།། ཐ་དད་བཤད་ཀྱང་གཅིག་ཏུ་འདུས།། རིག་པ་མེད་ན་སེམས་མི
iiif viewer powered by OpenSeadragon
