| e-texts navigator |
| Wylie |
246a1 ཡང་རྩ་ནང་གནས།། དག་པ་སྐུ་གསུམ་འཆར་གཞི་བྱེད།། རྩ་གཞན་འབྱུང་ལྔའི་རྟེན་ཡིན་ནོ།། རོ་མ་ཆུ་ཡི་དྲངས་མས་བསྐྱེད།། རྐྱང་མ་ས་ཡི་དྲངས་མས་བསྐྱེད།། ཀུན་འདར་མ་ནི་རླུང་གིས
246a2 བསྐྱེད།། རོ་མས་ལྟེ་བའི་གཡོན་ངོས་ནས།། བྱང་སེམས་འབབས་པའི་རྟེན་གཞི་བྱེད།། རྐྱང་མས་སྙིང་གི་རྩེ་གཡོན་ནས།། མགྲིན་པའི་རྩ་ནས་གཉིས་སུ་གྱེས།། རྩེ་ཆུང་གཉིས་ནས་འཐོན་ནས་ནི།། དར་སྐུད་པ་མེན
246a3 རྭར་འདྲ་ཡི།། རྩ་ནི་མིག་གི་འབྲས་ལ་ཟུག། ཡེ་ཤེས་སྣང་བ་འཆར་བའི་ལམ།། ཀུན་འདར་མ་ནི་དབུས་ན་གནས།། རྩེ་མོ་གསུམ་ནི་ཡར་སོང་བས།། གཡས་གཡོན་རྣ་བ་གཉིས་ལ་ཟུག། དབུས་མ་ཚངས་པའི་གནས
246a4 སུ་ཟུག། རང་བཞིན་ཡི་གེ་འོད་དང་བཅས།། རླུང་ལྔ་ཡེ་ཤེས་རྣམ་ལྔ་དང་།། ཐིག་ལེ་འོད་འབར་ཚུལ་དུ་གནས།། དེ་ནི་རྩ་སྤྱིའི་རྣམ་བཤད་ཡིན།། ད་ནི་སོ་སོའི་རྩ་གནས་བཤད།། དང་པོ་སྐྱེད་བྱེད་འཁོར་ལོ
246a5 ཡིས།། སྲིད་པ་ཆགས་པའི་གཞི་མ་བྱེད།། བདེ་བ་ཆེན་པོའི་རྣལ་དུ་འཇོག། མི་འགྱུར་ཐེམས་སུ་གསུམ་གྱིས་འཇུག། ལུས་མི་འགྱུར་བ་རྩ་ཡི་ཐེམས།། ངག་མི་འགྱུར་བ་ཡི་གེའི་ཐེམས།། ཡིད་མི་འགྱུར་བ་རླུང
246a6 གི་ཐེམས།། རྩ་ཡིད་རླུང་ནི་ལུས་ངག་ཡིད།། དེ་རྣམས་ལྟེ་བ་དག་ནས་བསྐྱེད།། རྩ་འདབ་དྲུག་ཅུ་རྩ་བཞིན།། རང་བཞིན་ཡི་གེ་དེ་དང་མཐུན།། འོད་ཀྱི་གོང་བུ་རང་བཞིན་སྐུ།། ཀུན་ཏུ་བཟང་པོ་སོ་གཉིས
iiif viewer powered by OpenSeadragon
