| e-texts navigator |
| Wylie |
245b1 གསོལ་པ།། ཀྱེ་དང་པོའི་སངས་རྒྱས་ཀུན་ཏུ་བཟང་།། ཡེ་གྲོལ་བརྗོད་པ་བྲལ་བའི་མཆོག། ལུས་ཀྱི་ཆགས་ལུགས་གསུངས་ན་ཡང་།། རྩ་ཡི་གནས་ལུགས་མ་གསུངས་པས།། འདུས་པའི་འཁོར་ལ་བཀའ་སྩོལ
245b2 ཅིག། ཞུས་པའི་ལན་དུ་བཀའ་སྩལ་པ།། རིག་མདངས་འཁོར་རྣམས་ཉོན།། སྤྱིར་ན་རྩ་ནི་བསམ་མི་ཁྱབ།། དྲིལ་གྱིས་བསྟན་ན་འདི་ལྟར་རོ།། མ་རིག་གཉིས་སྣང་འཛིན་པ་ཡིས།། ཡེ་ཤེས་རྩལ་ཡང་འབྱུང་བཞིར
245b3 འདུས།། འབྱུང་བཞི་ལས་ཀྱི་ལུས་སུ་གྲུབ།། ལུས་དང་མཉམ་དུ་རྩ་རྣམས་གྲུབ།། རྩ་དང་དུས་མཉམ་ཐིག་ལེར་གྲུབ།། དེ་གྲུབ་སྐུ་དང་ཡེ་ཤེས་གྲུབ།། ཐམས་ཅད་དབྱེར་མེད་ལྷུན་གྲུབ་ཡིན།། དེ་ཡང་ལུས་ཆགས
245b4 དུས་མཚུངས་སུ།། འབྱུང་བཞིའི་ལུས་ཀྱི་རྩ་རྣམས་གྲུབ།། སྤྱིར་ནི་བ་སྤུའི་གྲངས་དང་མཉམ།། སྟོང་ཕྲག་བརྒྱད་ཅུ་རྩ་གཉིས་འདུས།། བཞི་བརྒྱ་བདུན་ཅུ་རྩ་གཉིས་སུ།། དེ་ཡང་བསྡུས་པས་འདུས་པའོ།། དེ་བསྡུས
245b5 འཁོར་ལོ་བཞི་རུ་འདུས།། ལྟེ་བར་སྐྱེད་བྱེད་དྲུག་ཅུ་བཞི།། སྙིང་གར་དྲན་པ་སུམ་ཅུ་གཉིས།། རོ་འདུས་བརྒྱད་གཉིས་བཅུ་དྲུག་གནས།། རྣམ་བཀོད་སུམ་བརྒྱ་དྲུག་ཅུ་གནས།། སྤྱིར་ན་འཁོར་ལོ་བཞི་པོ་ལ།། རྩ་ཡི
245b6 གྲངས་མ་བཤད་པ་ནི།། བཞི་བརྒྱ་བདུན་ཅུ་རྩ་གཉིས་ཏེ།། དེ་ནི་བསྡུས་པའི་གྲངས་ཅན་ནོ།། འཁོར་ལོ་བཞི་པོ་དེ་ཡི་དབུས།། རྩ་གསུམ་དྲང་པོར་ཀ་བར་གནས།། ཤེལ་སྤུག་ཅན་ནི་ཞོར་ལ་སྟེ།། ཨོཾ་ཨཱཿཧཱུཾ་གསུམ
iiif viewer powered by OpenSeadragon
