| e-texts navigator |
| Wylie |
244b1 བྱེད།། གློ་བ་ལྕགས་ཀྱི་ཁམས་ཡིན་པས།། དྲངས་མ་རྣ་བ་རྣམས་གཉིས་ཀྱིས།། སྒྲ་ཡི་དོན་ནི་ཚོར་བར་བྱེད།། མཆིན་པ་ཤིང་གི་ཁམས་ཡིན་པས།། དྲངས་མ་མིག་གཉིས་གཟུགས་བརྙན་འཆར།། མཆེར་པ་ས་ཡི
244b2 ཁམས་ཡིན་པས།། དྲངས་མ་སྣ་ཡིས་དྲི་རྣམས་ཚོར།། མཁལ་མ་ཆུ་ཡི་ཁམས་ཡིན་པས།། དྭངས་མ་རྡོ་རྗེ་པདྨ་ཡིས།། བདེ་བ་ཐམས་ཅད་མྱོང་བར་བྱེད།། བདུན་ཕྲག་དེ་ནི་སོ་ལྔ་ལ།། རྩ་ཡི་ལམ་རྣམས་དོད་པར
244b3 བྱེད།། བདུན་ཕྲག་དེ་ནི་སོ་དྲུག་ལ།། རླུང་དང་རྣམ་ཤེས་འཕྲད་པར་བྱེད།། འདུན་ཕྲག་དེ་ནི་སོ་བདུན་ལ།། བདེ་སྡུག་མྱོང་ཚོར་དྲག་པོ་སྐྱེ།། བདུན་ཕྲག་དེ་ནི་སོ་བརྒྱད་ལ།། ལུས་ཀྱི་སྟོབས་རྣམས་སྐྱེད་པར
244b4 བྱེད།། བདུན་ཕྲག་དེ་ནི་སོ་དགུ་ལ།། རྣམ་ཤེས་བྱུང་ཚོར་ཕྱི་ལ་འབྲེང་།། བདུན་ཕྲག་དེ་ནི་བཞི་བཅུ་ལ།། སྐྱེ་བ་སྔ་ཕྱི་ཐམས་ཅད་དྲན།། དེ་ལྟར་བདུན་ཕྲག་བཞི་བཅུ་ལ།། ཟླ་བ་དགུ་དང་ཞག་པོ་བརྒྱད།། སྤྱིར་ན་ཟླ
244b5 དགུ་ངོ་བཅུ་ལ།། མངལ་དུ་བཙོག་པའི་འདུ་ཤེས་ཤར།། འཕྲལ་བྱེད་རླུང་གིས་མར་ལ་འདས།། མགོ་མཇུག་ལོག་ནས་ཕྱིར་ལ་འཐོན།། དེ་ལྟར་མངལ་གྱི་རྒྱ་དང་བྲལ།། སྔར་གྱི་བག་ཆགས་སྲབ་ཏུ་སོང་།། ཕྱིས་ཀྱི
244b6 ཉེར་ལེན་ངོ་མ་འཕྲོད།། ཤེས་པ་སྔར་བས་མི་གསལ་ཞིང་།། རྩ་རླུང་ཀུན་གྱི་སྟོབས་མ་སྐྱེས། ཁམས་ཀྱི་དྭངས་སྙིགས་མ་ཕྱེ་བས།། ནད་གདོན་མི་མཐུན་ཕྱོགས་རྣམས་སྡང་།། དེ་ནས་ཁམས་ཀྱི་ཟས་ཟོས
iiif viewer powered by OpenSeadragon
