| e-texts navigator |
| Wylie |
244a1 ཡ་དར་གྱི་ཡོལ་ལྟར་ཆགས།། ཞག་ནི་བདུན་ཕྲག་ཉེར་དྲུག་ལ།། ཀླད་པ་ཞོ་ཕོར་ལྟ་བུར་ཆགས།། ཞག་ནི་བདུན་ཕྲག་ཉེར་བདུན་ལ།། རྒྱུ་མ་འདོམ་པ་གསུམ་དུ་ཆགས།། ཞག་ནི་བདུན་ཕྲག་ཉེར
244a2 བརྒྱད་ལ།། རྒྱུ་མ་ཁུགས་དང་ཚིལ་བུ་དང་།། ཡན་ལག་རགས་པར་ཆགས་པའོ།། ཞག་ནི་བདུན་ཕྲག་ཉེར་དགུ་ལ།། ཕོ་བ་རང་གི་སྙེམ་པ་གང་།། ཞག་ནི་བདུན་ཕྲག་སུམ་ཅུ་ལ།། གྲོད་པ་རང་གི་བྱིན་པ་ཙམ།། ཞག
244a3 ནི་བདུན་ཕྲག་སོ་གཅིག་ལ།། ལོང་ཁ་རང་གི་ལག་ངར་ཙམ།། ཞག་ནི་བདུན་ཁྲག་སོ་གཉིས་ན།། ལྟེ་བ་སྤྲུལ་པའི་རྩ་ཁ་འབྱེད།། མ་ཡི་ཟས་སྐོམ་བུ་ལ་ཕན།། ཟས་ཀྱི་དྲངས་མ་ཕོ་བར་སོང་།། ལྟེ་བ་སྤྲུལ་པའི་འཁོར
244a4 ལོ་ནས།། སྲུབ་བྱེད་རླུང་གིས་དྲངས་སྙིགས་ཕྱེ།། དྲངས་མ་མེ་ཡི་ཁམས་ལས་ནི།། མཁྲིས་པ་རང་གི་ཁྱོར་གང་ཆགས།། སྙིགས་མ་བད་ཀན་ཆུ་ཡི་ཁམས། ཁྱོར་བ་གང་ནི་ཕོ་བར་ཆགས།། ཞག་ནི་བདུན་ཕྲག་སོ
244a5 གསུམ་ལ།། རླུང་མཁྲིས་བད་ཀན་གསུམ་གྱིས་ནི། ཁམས་ཀྱི་ནུས་པ་སྐྱེད་པར་བྱེད།། བརྟེན་པ་ས་ཡི་ཁམས་ཀྱིས་ནི།། ལུས་ཟུངས་ཐམས་ཅད་གསོ་བར་བྱེད།། ཀླད་པ་ཆུ་ཡིས་ལུས་ཟུངས་སྡུད།། གཡོ་བ་རླུང་གིས
244a6 ལུས་ཁོད་སྙོམས།། དྲོ་བ་མེ་ཡིས་ལུས་རྣམས་སྨིན།། ཞག་ནི་བདུན་ཕྲག་སོ་བཞི་ལ། ཁམས་ཀྱི་དྭངས་མ་འཆར་བ་དེ།། སྙིང་ནི་མེ་ཡི་ཁམས་ཡིན་པས།། དེ་གྱེས་པ་ལས་ལྕེ་ཆགས་ཏེ།། རོ་ཡི་མྱོང་བྱེད་ཚོར་བར
iiif viewer powered by OpenSeadragon
