| e-texts navigator |
| Wylie |
241b1 འཚོལ།། བར་མ་དོར་ནི་ཡིད་ཀྱི་གཟུགས།། ཤེས་པ་ཡང་ཡང་ཕྱད་ཕྱོད་ཅན།། སྟོང་གསུམ་སེ་གོལ་གཅིག་ལ་འཁོར།། སྡུག་བསྔལ་ཚོར་བ་མང་པོ་མྱོང་།། དེ་ལ་སྐྱེ་བ་རྣམ་བཞི་སྟེ།། མངལ་སྐྱེས་སྒོང་སྐྱེས་དྲོད་གཤེར
241b2 སྐྱེས།། བརྫུས་སྐྱེས་སྐྱེ་དང་བཞི་ཡིན་ནོ།། མ་ཡི་མངལ་དུ་འདི་ལྟ་སྟེ།། བར་དོའི་རྣམ་ཤེས་འཁྱམ་པོ་རྣམས།། སྔོན་གྱི་ལས་ངན་དབང་དག་གིས།། དབྱར་གྱི་ཤ་ལ་སྦྲང་ཕུང་ལྟར།། ལ་ལའི་སྲོག་ཆགས་ལྟར་དུ
241b3 སྣང་།། ཕ་མའི་འདོད་སྲེད་རྟེན་འབྲེལ་འཛོམ།། བསོད་ནམས་མཐུན་ཅིང་ལས་འབྲེལ་ལྡན།། རྒྱུ་རྐྱེན་ཕུན་ཚོགས་མངལ་དུ་འཇུག། འཇུག་སྒོ་དག་དང་མ་དག་གཉིས།། ལྔ་དུས་མཚན་མ་སྦྱོར་བ་ལ།། ཉོན་མོངས་ལྔ
241b4 དང་ཡིད་དྲུག་དང་།། ཡེ་ཤེས་ལྔ་ཡི་བདག་ཉིད་དོ།། ཡེ་ཤེས་རང་ངོ་མ་ཤེས་ཏེ།། དེར་འཛིན་དྲི་མས་འབྱུང་བ་འདུས།། དེ་ལས་ལུས་གྲུབ་རྒ་ཤིའི་བར།། འཁོར་བར་འཁྱམས་ཤིང་འབྱུང་བ་འདུས།། ཆོས་ཉིད་པར
241b5 དོ་ངོ་མ་ཤེས།། དེར་འཛིན་དུག་ལྔ་དུག་གསུམ་རྒྱས།། ཡུལ་དྲུག་དག་གི་འཛིན་པ་ཡིས།། ཕོ་མོ་སྦྱོར་བ་བྱེད་པ་ལ།། དེར་འཛིན་སྐྱེས་པའི་ཡེ་ཤེས་རྩལ།། རིག་པ་ཡིད་དུ་འགྱུ་བ་དེ།། ཕ་མའི་བདེ་བ་སྲ
241b6 སྙམ་དུས།། བར་དོའི་རྣམ་པར་ཤེས་པ་དེ།། བཤར་ལམ་ཞུགས་ནས་མངལ་དུ་ནི།། ཡི་གེ་ཨ་ཡི་ཚུལ་དུ་ཐིམ།། ཆུ་ལ་ཆུ་བཞག་ཚུལ་དུ་སོང་།། མངལ་གྱི་རྒྱས་འཐུམ་བྱུང་ཚོར་འགགས།། བདེ་བ་ཆེན་པོའི་ངང་དུ
iiif viewer powered by OpenSeadragon
